Lukas 22:41 - Hanunuu

⁴¹ Nagpablag siya sa kanda ga bintukan lang batu kay karayu. Pagka ati siya nagluhud nagdarangin,

Lukas 22:41 Iomraidhean Croise

Matiyu 26:39

Pagka napakarayu siya diit, napadapa siya nagdarangin magkun, “Amang, nu mahimu ipakarayu nimu ginan sa kangku inda pag ungut may kakurian. Dapat una katida, danga kangku pag kagustuhan ti masunud nu unman kanmu di gid ti kailangan masunud.”

Markus 14:35

Pagka nagpakarayu siya diit, napadapa siya sa daga, nagdarangin nu mahimu unman mana malakawan niya kay pag-atubangun pag kakurian.

Lukas 18:11

Matindugan ti Parisiyu magdarangin sa kay sadili magkun, ‘Diyus, magpasalamat aku sa kanmu, dahil balaw aku ga iba pag tawu, balaw aku magtakaw, balaw aku maradaya, balaw aku marauragin, balaw diman aku ga tunda pag manunukut buhis.

Lukas 18:13

“Dapat ti manunukut buhis matindugan sa arayu. Unman siya nagpanghas nagtangda sa langit, tinaptap niya kay dubdub sa kay karukuan, magkun siya, ‘Kaawai duy aku, Diyus, dahil aku usa ka makasalanan.’ ”

Binwat 20:36

Pagka nakatapus kan Pablu manga sinabi linmuhud siya, nandarangin siya hanggan sida tanan.

Binwat 21:5

Pagka lawuy pitu ka yabi, nighit maan kami siyun ginan naparargu di kanmi lakaw. Itinibu kami nida tanan, hanggan kanda manga asawa manga anak, tabug sa luwas banwa. Pagka sa baybay yi, linmuhud kami tanan nandarangin.

Binwat 7:60

Nagluhud siya bag-u nanawag daka magkun, “Panginuun, danga ipakaun nimu sa kanda inda pag kasalanan nida.” Pagka sinabi niya katida, naugtasan yi siya arup.

Binwat 9:40

Ipinalwas dapu ni Pidru sida tanan bag-u siya linmuhud nandarangin. Bag-u nag-atubang siya sa bangkay kay sinabi magkun, “Tabita, pagbangun yi duy kawu.” Minmuklat yi ngani kan Tabita manga mata. Pagka nakitan niya si Pidru, siya tinmukaw.

Hibriyu 5:7

Pagka sa babaw waya daga si Hisus, nandarangin siya, ainalsa kay busis, nanlumi nagdangup sa Diyus sa may kamaskihan makaribri sa kanya sa kamatayan. Ag nadnugan diman kay darangin dahil sa kay nagpakumbaba nagpasakup sa Diyus.