Lukas 22:40 - Hanunuu

⁴⁰ Pagka siya nagras-ug ati sa bantud, sinabi niya sa kanda, “Pagdarangin kamu sa unman madara kamu sa tuksu.”

Lukas 22:40 Iomraidhean Croise

1 Krunika 4:10

Nandarangin si Habis sa Diyus Israil, “Papaladan duy nimu aku ag padakaun kang magkasakupan. Ibahi aku ag pakarayuan sa manga kadamhakan hampay balaw aku masaktan.” Ag dinungug Diyus kay paghagadun.

Kanta 119:133

Giyahi aku sa panab-anan nimu manga bagaw; danga humari ulian aku kadautan.

Kanta 17:5

Pagsundun niku pirmi kanmu kagustuhan ag unman aku magpablag siti.

Kanta 19:13

Awati diman aku balaw makatikis makabwat salan. Danga nimu ipahintulut aku panawuhun kadautan, agud unman may ikasabi sa kang buhi ag makalpas aku sa mayamu pag kalasi kasalanan.

Matiyu 6:13

Danga ipalakaw nimu kami sa mahigpit pagsubuk, dapat ingatan nimu kami sa May Puun Kadautan. Dahil kawu yi ngani tig hari may kamaskihan hanggan kadayawan hanggan waya aban. Amin.’

Lukas 11:4

Patawada nimu kanmi manga kasalanan dahil pinmatawad waydi kami sa kada tawu may kasalanan sa kanmi. Danga ipalakaw nimu kami sa mahigpit pagsubuk.’ ”

Lukas 22:46

Sinabi ni Hisus sa kanda, “Hayga kamu turug? Pagbangun yi kamu, pagdarangin hampay unman madara kamu sa tuksu.”

1 Pidru 4:7

Arani yi ti katapusan tanan manga bagay, nakan pag-isip kaayad nu hintay ti dapat niyu buwatun hampay mayad kanyu magdarangin.

Ipinakakit 3:10

Ingatan diman niku kawu nu rumas-ug yi ti udas pagsubuk sa tanan manga tawu sa bilug kalibutan, dahil nag-agwanta kawu sa kanmu pagtupad sa kang bilin.