Lukas 22:35 - Hanunuu

³⁵ Sinabi ni Hisus sa kanda, “Pagka sinugu niku kamu kaybi balaw may dara sukadan kuwarta, una sukadan karan-unun, una lapak, kinurang aw kamu una hintay?” Kanda sagut, “Unman duy, unman kinurang.”

Lukas 22:35 Iomraidhean Croise

Gimpuunan 48:15

Pagkatapus, pinapaladan niya sida magkumun, “Mana papaladan Diyus inda pag manga anak, ti sinirbihan niku manga ginurang nida ni Abraham ni Isaak, imaw diman ti Diyus maggiya sa kangku ginan sa kang pagkalusad tugka taynguna.

1 Hari 11:22

Nagpaingana ti hari, “Hayga? Unu waya lugud ti kurang sa kanmu sitay ag gustu waya nimu muli tag sa kanyu?” Sinmagut si Hadad, “Unman duy; basta payagi lang aku makauli.”

Kanta 23:1

Panginuun, kawu kang manug-alaga, nakan balaw aku pagkurangun.

Kanta 37:3

Pagsarig kawu sa Panginuun ag pagbuwat mayad. Ag mangulian kawu ribri sa kadamhakan sa inda pag daga.

Lukas 10:4

Danga kamu magdara sukadan kuwarta ngatay bay-ung, una lapak. Dagkahilig sa harampangan una sa kantapu sa dalan.

Lukas 22:34

Magkun si Hisus, “Kang pagsabihun sa kanmu, Pidru, taynguna yi gid pag yabi inda udwaya tumarauk ti manuk, itanggi nimu kanmu magkilala sa kangku katlu ginan.”

Lukas 22:36

Sinabi niya sa kanda, “Dapat taynguna nu may sukadan kuwarta suribayan di niyu hanggan kanyu sukadan karan-unun. Nu unman kamu may baladaw, pabilyan kanyu rutay hampay may ibili sa baladaw.

Lukas 9:3

Binilinan niya sida magkun, “Danga magdara una hintay sa kanyu maglakaw, una sugkud, una bay-ung, una karan-unun, una kuwarta. Danga kamu magdara kanyu ililsan.

2 Kurintu 8:15

Bag-u matupad sa kanyu ti pagsabihun sa Banal Kasuratan magkun, “Ti may nakitan mayamu, balaw diman nagsubra. Ti may nakitan pira-pira unman waydi kinurang.”

Diyuturunumiyu 8:16

Ati sa pangawakawaan, pinakan-an niya kamu mana — usa ka karan-unun balaw nasamitan niyu manga ginurang. Binwat inda Panginuun para kamu pumakumbaba ag para subukun kamu hampay sa uryan bumaliw mayad kanyu kahamtangan.