Lukas 22:32 - Hanunuu

³² Dapat Simun, kawu kan idinarangin sa unman lumumuy kanmu pagsarig. Nu umimbung maan aban kanmu pagsarig, parig-una yi nimu kanmu manga patar-ari.”

Lukas 22:32 Iomraidhean Croise

Matiyu 18:3

Magkun siya, “Ungud duy kang pagsabihun sa kanyu, nu unman umanun kanyu buut ag pumarihu sa manga anak, unman gid makapasakup kamu sa kaharian langit.

Matiyu 26:75

Bag-u naisipan ni Pidru kay sinabi ni Hisus magkun, “Udwaya tumarauk ti manuk, itanggi nimu aku katlu ginan.” Napalwas si Pidru ga magutsan sa lumi.

Markus 14:72

Susun nanarauk yi ngani ti manuk pakadwa. Bag-u naisipan ni Pidru kay sinabi ni Hisus sa kanya magkun, “Udwaya tumarauk ti manuk pakadwa, itanggi nimu aku katlu ginan.” Pagka naisipan niya tunda, nanlumi gid si Pidru.

Markus 16:7

Nakan ngani pag-atag yi kamu sabihi yi niyu sa manga tuludluan, lalu ngap sa kan Pidru, si Hisus umuna sa kanyu tag sa Galiliya. Makitan niyu siya ati, parihu sa kay sinabi sa kanyu.”

Lukas 8:13

Tunda sa mabatu, imaw ti manga nakadnug lang nagtanggap yi sida magbaya sa Bagaw Diyus. Dapat unman ngap inmaba kay gamut. Sida ngap ud nadugay kanda sarig. Pagka rinmas-ug ti tuksu nagbul-iw sida sa Diyus.

Huwan 14:19

Udyi dugay aban bag-u dayi gid kumakit sa kangku ti manga taga kalibutan. Dapat kamu kumakit di sa kangku. May tutuu gid pag buhi aku, nakan una kamu may tutuu gid pag buhi.

Binwat 3:19

“Nakan duy patlikudi yi niyu kanyu manga kasalanan bag-u pag-atubang yi sa Diyus hampay duraun yi niya kanyu kasalanan,

Ruma 8:32

Unman inirangan niya kay sadili Anak, bagkus ipinakaun ngap niya para sa kanta tanan. Nu kay ipinakaun kay sadili Anak sa kanta, unman aw lugud ipakaun niya sa kanta ti tanan manga bagay minsan sa kay Anak?

Ruma 8:34

Hintay waya gid ti sumintinsiya sa kanta atag sa kaparusahan? Udyi! Si Kiristu Hisus sa kay yi sikun baliwa Diyus. Siya waya ngani ti namatay bag-u binuhi uman Diyus. Taynguna siya yi ti nagbaliwa sa kanta.

2 Timutiyu 2:18

Tinmalang sida ginan sa katutuuhanan. Pag-itudlu nida magkun, natupad yi kanta pagkabuhi uman. Nakan kanda pagdautun ti pagsarig manga iba.

Titu 1:1

Inda ti may surat si Pablu, kay panawuhun Diyus ag apustul ni Hisu-Kiristu. Sinugu aku hampay parig-unun ti pagsarig manga pinili Diyus ag hampay itudlu sa kanda ti katutuuhanan nita surundanun,

Hibriyu 12:15

Pagdahan kamu hampay unman may pumatlikud sa kanyu tanan sa kay pakaun Diyus karibrihan. Barang may magtubu ga ilamnun mapait sa kanyu bag-u miabay ti mayamu ngap pag patar-ari sumimray sa katutuuhanan.

Hibriyu 7:25

Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.

1 Pidru 1:1

Inda ti may surat si Pidru, kay apustul ni Hisu-Kiristu, tabug sa manga pinili Diyus nangalat-kalat nangulian sa manga daga Puntu, Galasya, Kapadusya, Asya hanggan sa Bitinya.

1 Pidru 1:13

Nakan ngani ialistu niyu kanyu naisipan. Pagmapinigilun kamu. Ilubus niyu kanyu pagsarig sa kay itinaratu Diyus pag kaayadan kanyu patabgan nu makitan yi aban si Hisu-Kiristu.

1 Pidru 1:5

Sinmarig kamu, nakan kay kamaskihan Diyus tig-ingat sa kanyu hanggan sa udwaya matanggap niyu ti karibrihan kay itinigana Diyus hampay ipaburayhaw nu katapusan yi panahun aban.

2 Pidru 3:14

Nakan ngani duy manga patar-ari, hanggan kamu mag-alagad waya, intindiha gid niyu kanyu ugali buhi hampay may kahusayan, unman may uring, ud may kadautan sa kay magbantay Panginuun.

1 Huwan 2:19

Tunda pag manga tawu ginan diman waydi sa kanta karaw-an dapat daan balaw tutuu minsan sa kanta. Nu abi sida ungud minsan sa kanta, unman gid napablag sida sa kanta. Nakan sida napablag, hampay makilala sida tanan balaw tutuu gid minsan sa kanta.