Lukas 22:24 - Hanunuu

²⁴ Pagka dugay magpirirdihan yi kay manga tuludluan sa kanda harampangan, nu hintay sa kanda ti pag-isipun mataas man sa tanan.

Lukas 22:24 Iomraidhean Croise

Matiyu 18:1

Ati katpung nagpakarani sa kan Hisus kay manga tuludluan pinmaingana magkun, “Si unu nguna duy ti mataas sa kaharian langit?”

Markus 9:34

Dapat unman sida nag-ingay. Dahil sida nagparadayawan sa dalan nu hintay sa kanda ti mataas.

Lukas 22:23

Bag-u nagparaingan-an kay manga tuludluan nu hintay nguna sa kanda tigpakampi sa kalaban ni Hisus.

Lukas 9:46

Nagparadayawan kan Hisus tuludluan nu hintay sa kanda ti mataas.

Ruma 12:10

Pagmalahalan kamu ga suud magtar-ari. Nu kabitay ti manga iba kanda pagpahalaga sa kanyu, paglalu waya daka kanyu magpahalga sa kanda.

1 Kurintu 13:4

Ti pagmahal may pasunaid sa kay sadili, ag mahusay sa kaparihu. Ti pagmahal balaw maghirak. Ti pagmahal balaw magpadayaw, balaw magpalabi-labi sa kay sadili,