Lukas 22:18 - Hanunuu

¹⁸ Dahil pagsabihun niku sa kanyu, dayi manginum aku kainda ginan pin-ga ubas hanggan sa udwaya rumas-ug sitay ti paghari Diyus.”

Lukas 22:18 Iomraidhean Croise

Kanta 104:15

may mainum intus makapasulung sa kanda, may lana imaw ti makapalitis sa kanda uyahun, ag may tinapay imaw ti makapabisug sa kanda.

Kanta ni Sulumun 5:1

Sinmulud aku sa kang gardin, sa mahal niku pag babayi. Tinipun niku kang mira hanggan manga pamanglu. Kinaun niku kang daykut ag nanginum kang intus hanggan gatas. Kamu pag manga magmalahalan, pagkaun kamu ag pag-inum.

Isayas 25:6

Sitaay sa Bantud Siun, ti Panginuun Makamaskihan mangalistu usa ka karan-an para sa tanan. Manga masarap pag karan-unun hanggan manga irinmun kay ialistu.

Isayas 55:1

Magkun ti Panginuun, “Pagpakarani kamu, kamu tanan ti magkauwaw, indaay ti danum! Una unman kamu may kuwarta, pagpakarani kamu, pag-inum hanggan pagkaun! Abala kamu, pagbuul kamu intus ag gatas hanggan butiran karan-unun balaw may bayad!

Danyil 2:44

“Sa ati pag panahun manga hari, ti Diyus sa langit pumatindug usa ka kaharian unman gid magpu hanggan aban. Balaw gid inda matalu iba kaharian, nu unman papasun waya ngap niya ti tanan kaharian ag pihu pumirmaminti inda hanggan aban.

Sakaryas 9:15

Ingatan Panginuun Makamaskihan kay nasakupan. Panat-an lang nida ti manga batu pag-ibintuk sa kanda nida manga kalaban. Mangaran-an ag manginuman sida sa pagdaus kanda panalu. Manhuruyawan sida ga manga langu. Mapnu kanda tiyan irinmun parihu sa malukung punu dugu panwidwisik sa manga suuk harandugan.

Matiyu 16:18

Kang pagsabihun sa kanmu, kawu si Pidru, kay ibug sabihun batu. Sa babaw inda pag batu ipatindug niku kang iglisya. Una ti kapangyarihan kamatayan unman makapanalu sa iglisya niku.

Matiyu 26:29

Kang pagsabihun sa kanyu, dayi aku uminum inda pag intus ubas hanggan sa udwaya inmun niku ti bag-u intus ubas kasaru niku kamu sa kaharian niku Ama.”

Markus 14:23

Pagkatapus binitbit niya ti ungut, nagpasalamat siya sa Diyus bag-u itinunghul niya sa kanda. Sida tanan nag-inum sa ungut.

Markus 14:25

Ungud duy kang pagsabihun sa kanyu, dayi aku uminum inda pag bag-u pin-ga ubas hanggan sa udwaya kaudasan aban nu inmun niku ti bag-u pag pin-ga ubas sa kaharian Diyus.”

Markus 15:23

Pinakan-an nida si Hisus intus may libug pamakimay kay ngaran mira, dapat unman siya nanginum.

Markus 9:1

Bag-u magkun si Hisus sa kanda, “Ungud duy kang pagsabihun sa kanyu, ti iba sa kanyu sitay dayu mamatay hanggan sa udwaya makitan nida rumas-ug kay paghari Diyus may kamaskihan.”

Lukas 21:31

Katunda diman pagka makitan niyu mangyari tunda pag manga bagay, maalaman niyu arani yi kay paghari Diyus.

Lukas 22:16

Dahil kang pagsabihun sa kanyu, udyi umuman aku kumaun inda hanggan sa udwaya matupad inda sa kaharian Diyus.”

Lukas 9:27

Dapat tutuu kang pagsabihun sa kanyu, ti iba sitay dayu mamatay hanggan sa udwaya makitan nida kay paghari Diyus.”

Kulusas 1:13

Irinibri niya kita ginan sa kapangyarihan kadudulman, ipinauli yi niya kita sa kaharian niya magmayadun pag Anak.

Talaghusay 9:13

Nagsagut ti ubas, ‘Mas piliun aw lugud niku ti humari sa kanyu kaysa pumakaun irinmun ubas makapasulung sa manga diyus ag sa manga tawu? Unman gid!’