Lukas 21:8 - Hanunuu

⁸ Bag-u nagsabi si Hisus magkun, “Pag-aman gid kamu sa unman gid kamu patalangun dahil mayamu ti sumitay mag-apu kang ngaran magkun, ‘Aku yi ngani. Inda yi ti kaudasan’ Danga kamu magsunud sa kanda.

Lukas 21:8 Iomraidhean Croise

Hirimyas 29:8

Magkun waya ti Panginuun Makamaskihan, ti Diyus Israil, “Danga kamu magpadaya sa kanyu manga purupita ngatay sa manga kaibahan niyu manughula. Danga kamu magpasnu sa kanda manga tagin-up.

Matiyu 24:11

Mayamu aban ti pumabalhinguun kuntay purupita bag-u patalangun nida ti kayamuan.

Matiyu 3:2

“Iampu yi niyu kanyu kasalanan, dahil udyi dugay rumas-ug yi ti kaharian langit.”

Matiyu 4:17

Siyun ginan nag-umpisa yi si Hisus magtudlu. Magkun siya, “Iampu yi niyu kanyu manga kasalanan, dahil arani yi ti kaharian langit.”

Lukas 17:23

Kanda aban sabihun sa kanyu, ‘Tunda ay ngani,’ ngatay, ‘Ati ay.’ Danga kamu umati, danga kamu magpaniwala sa kanda.

Lukas 21:7

Nagpaingana sida sa kan Hisus, “Maisturu, kapira waya pag mangyari tunda? Hintay nguna duy kay tanda nu arani yi mangyari tunda tanan?”

Lukas 21:9

Una kamu makadnug manga barita sa gira manga kaguluhan danga kamu magkakulbaan. Dahil kailangan mangyari gid dapu tunda, dapat udwaya kadaka mangyari ti katapusan.”

Huwan 5:43

Nagsitay aku may karampatan ginan sa kang Ama dapat unman pagtanggapun niyu aku. Nu iba bay ti sumitay magsarig sa kay lang sadili kapangyarihan, kanyu ngap tanggapun.

Huwan 8:24

Nakan sinabi ngani niku sa kanyu, mamatay kamu dahil sa kanyu manga kasalanan. Nu dayu kamu maniwala kuntay aku si Aku ngani, pihu ngap kamu mamatay dahil sa kanyu manga kasalanan.”

Huwan 8:28

Nakan sinabi ni Hisus magkun, “Nu ipaabwat niyu aban ti Anak Tawu bag-u makilala niyu kuntay aku si Aku ngani. Ati katpung maalaman niyu unman aku magbuwat una hintay nu ginan lang sa kang sadili. Pagsabihun lang niku ti itinudlu Ama sa kangku.

1 Kurintu 6:9

Unman aw waya lugud niyu alam ti manga magbuwat kalukuhan dayu masakup sa kay paghari Diyus. Danga kamu magsarig, dahil ti manga magpanguragin, ti manga magsamba sa diyus-diyusan, ti magpamabayi hanggan ti magpanlalaki, tigkaraibgan sa kaparihu lalaki,

Ipisu 5:6

Danga kamu padara-dara una sa kantapu sa kanda baragawun mahakut sa tunda pag manga buwat. Dahil sa katida pag buwat magkagalit ti Diyus sa manga tawu supakil.

2 Tisalunika 2:3

Sa una waya kabitay pag paraan tawu, danga kamu padaya. Ti kaudasan Panginuun balaw rumas-ug hanggan sa ud mangyari dapu ti katapusan pag maglaban sa Diyus ag hanggan sa ud mibantala ti May Puun Kadautan, ti daan ihinanda para tabug sa unman may katapusan pag kaparusahan.

2 Timutiyu 3:13

Ti daut pag manga tawu lalu yi gid magpakadaut. Ti tawu maradaya lalu yi ngap mandaya, ag sida hanggan madaya diman.

1 Huwan 4:1

Manga patar-ari, danga duy magpasnu kamu sa kada tawu mag-aku kuntay sa kanya ti Ispiritu Banal. Subuki dap niyu siya nu ngatay tunda pag Ispiritu ungud ngani ginan sa Diyus, aw ngatay unman. Dahil mayamu yi pag manga pudilun purupita naglinutaw sa kalibutan.

2 Huwan 1:7

Dahil ngani nangalat yi sa kalibutan ti manga magdaya, tunda pag manga tawu unman magpasnu kuntay si Hisu-Kiristu nabilug tawu. Tunda yi ngani ti mandadaya ag anti-Kiristu.

Ipinakakit 1:3

Papaladan Diyus ti manugbasa inda pag ribru hanggan ti manga magpatingi sa inda pag ipinurupita tungkul sa manga mangyari aban lalu nu matinupadun sa inda pag isinurat. Dahil inda tanan balaw yi dugay mangyari yi.

Ipinakakit 12:9

Ti laun pag daragun imaw yi ti pagkumnun gurangun pag ulay, kay ngaran diyablu, imaw ti pagkumnun si Satanas, imaw tigdaya sa bilug kalibutan. Ayinmut siya atag sa daga hanggan kay manga kakampi pag manga anghil ayinmut waydi.