Lukas 21:37 - Hanunuu

³⁷ Sirang-sirang magtudlu si Hisus sa Balay Diyus. Yabi yabi mag-ati siya mag-igya sa bantud Ulibu.

Lukas 21:37 Iomraidhean Croise

Sakaryas 14:4

Sa tunda pag sirang, tumindug siya sa Bantud manga Ulibu, sa butlakan Hirusalim. Matunga inda pag bantud ginan sa butlakan tugka sa isalpan. Ti katunga bantud maisdug tag sa salatan ag ti katunga waydi maisdug tag sa kanaway, ag bumaliw inda maluang pag luung sa karaw-an.

Matiyu 21:1

Pagka dugay arani yi sida ni Hisus sa banwa Hirusalim. Pagka nagras-ug sida sa baryu Bitpagi sa bantud Ulibu, sinugu ni Hisus kay duwa ka tuludluan.

Matiyu 21:17

Bag-u nagpatawas si Hisus sa kanda, linmakaw siya tag sa luwas banwa tabug sa baryu Bitanya, ati siya pag nigya.

Matiyu 26:30

Pagka sida kinmanta kanda dayaw sa Diyus, nag-atag sida sa bantud Ulibu.

Matiyu 26:55

Bag-u napasrangu siya atag sa manga tawu magkun, “Aku lugud tulisan aw, nakan nagsitay kamu may dara baladaw, manga pamakul hampay dakpun aku? Sirang-sirang diman waydi magtukaw aku sa Balay Diyus magtudlu, bati unman waydi niyu dinakup?

Markus 11:12

Pagka sa surip, linmakaw dapu maan sida ginan sa Bitanya. Linun-us si Hisus sa dalan.

Markus 11:19

Pagka yabi yi nagluwas maan sa banwa sida ni Hisus.

Markus 14:49

Sirang-sirang asan diman waydi aku sa Balay Diyus pag magtudlu. Bati unman waydi niyu dinakup aku. Nakan nangyari inda hampay matupad ti manga Kasuratan.”

Lukas 19:29

Pagka siya arani yi sa baryu Bitpagi ag sa baryu Bitanya sugkad Bantud Ulibu, sinugu niya kay duwa ka tuludluan

Lukas 19:37

Pagka arani yi siya sa banwa Hirusalim maglus-ug yi siya sa bantud Ulibu bag-u ti bilug kayamuan tuludluan nag-umpisa magbaya magdayaw sa Diyus ainalsa kanda busis, dahil sa tanan makamaskihan buwat kanda nakitan.

Lukas 19:47

Nagtudlu diman gid siya sirang-sirang sa sulud Balay Diyus. Paggayakun siya matyun manga pangulu manughandug, manga manugtudlu Kasuguan hanggan manga takinan nasyun.

Lukas 22:39

Naglakaw yi si Hisus tabug sa bantud Ulibu ga kay diman ugali. Nagkuyug kay manga tuludluan.

Huwan 12:1

Unum wadi ka sirang bag-u Kapistahan yi sa Pag-alaala sa Karibrihan, nag-ati si Hisus sa Bitanya, sa kay ulian ni Lasaru, imaw yi ngani pag Lasaru kay binuhi uman ginan sa kamatayan.

Huwan 18:2

Una si Hudas, ti napakampi sa kay kalaban ni Hisus, alam di niya tunda pag rugar, dahil pirmi mag-ati si Hisus kaibahan niya kay manga tuludluan.

Binwat 1:12

Bag-u nagbalik maan ti manga apustul sa Hirusalim ginan sa pagsabihun pag bantud Ulibu, udyi magkausa ka tamaan ginatung kay karayu.