Lukas 21:34 - Hanunuu

³⁴ “Dapat pag-aman kamu barang magumun kamu sa kasulungan hanggan sa maglangu ngatay sa subra pag irisipun tungkul sa kanyu kahamtangan sitay sa babaw daga. Barang bigla rumas-ug sa kanyu tunda pag kaudasan ga suduk kamu unman alistu.

Lukas 21:34 Iomraidhean Croise

Gimpuunan 19:32

Mayad waya painman nita kanta ama intus tugka sa malangu siya; bag-u mangulid kita sa kanya hampay magkaanak kita sa panab-anan niya.”

Gimpuunan 19:35

Nakan sa tunda pag yabi, kanda maan ngani linangu kanda ama ag kay ari maan pag anak ti nangulid sa kanya. Dapat dahil sa subra langu, unman diman namalayan ni Lut nu hintay ti nangyari.

Gimpuunan 27:14

Nakan nagbuul ngani si Hakub duwa ka kambing ag dinara niya sa kay ina, bag-u susun waydi tinama ni Ribika ti pagkaibgan pag karan-unun ni Isaak.

Kanta 35:8

Mana madiklahan sida sa rumas-ug kadamhakan sa kanda. Mana sida ngapu ti makasulun sa suduk ipinauli nida sa lihim. Mana sida ngapu ti malagpak sa ukang kanda kinali.

Kabagawan 21:4

Kasalanan ti magpadayaw-dayaw ag ti magpalabaw-labaw. Makilala nimu ti daut pag manga tawu sa tunda pag ugali.

Kabagawan 23:20

Danga kawu maghuwad sa manga paralangu ag daluk sa karan-unun, dahil ti ga kanda pag kalasi tawu madali kumuri. Pirmi sida magkaturug, nakan aban manrutay wadi sida paris.

Manugtudlu 9:12

Balaw lang inda, nu unman niya alam nu kapira pag rumas-ug kay kaudasan. Parihu siya sa manuk nasduk ngatay sa isda nasarap; magkatakdan siya balaw mayad pag udas ag kadaka lang magras-ug sa kanya.

Isayas 28:7

Dapat kainda, pasuray-suray ti manga manughandug hanggan ti manga purupita dahil sa kanda kalanguhan, balaw yi sa kang-ud kanda naisipan. Salan yi ti pagkaintindi manga purupita sa pangakakitun, balaw kang-ud ti manga pasya manga manughandug.

Husyas 4:11

agud sambahun ti manga diyus-diyusan. “Manga nasakupan niku, ti bag-u ag ti daan pag intus magdaut kanyu mayad pag pan-unawa.

Libitiku 10:9

“Kawu hanggan kanmu manga anak balaw mahimu magsulud sa Turda nu nakainum intus ngatay una hintay pag kalasi irinmun makalangu. Nu buwatun niyu tunda, pihu gid mamatay kamu. Inda pag manga surundanun kailangan gid niyu tupadun tugka sa sunud pag manga sinulput tawu.

Matiyu 13:22

Tunda waydi pag nipamgas sa madugihan ipinahalimbawa sa tawu magpatingi sa Bagaw Diyus dapat makasadili siya sa manga bagay sa babaw daga, mairibgun yi siya sa manga kayamanan, nakan ti Bagaw Diyus udyi may rugar sa kay tagipusuun, udyi binmurak.

Markus 13:9

“Pag-andam kamu. Dahil kamu ipasintinsiya aban sa Katipunan manga Pinunu. Kamu kanda hampakun sa manga simbahan manga Hudiyu. Ipaatubang kamu sa manga gubirnadur hanggan sa manga hari dahil sa kangku hampay kamu tumultul tungkul sa kangku sa kanda atubangan.

Markus 4:19

Dapat pagka dugay naabala sida sa manga bagay sa babaw daga. Mairibgun yi sida sa kayamanan, maghingbut waya sa iba manga bagay. Nakan ti Bagaw Diyus udyi may rugar sa kanda tagipusuun, udyi binmurak.

Lukas 10:41

Sinabi Panginuun magkun, “Marta duy, hayga magkakuri kawu, magkaaburidu gid kawu sa mayamu pag irisipun nimu?

Lukas 12:40

Nakan ngani kailangan pirmi kamu alistu dahil rumas-ug ti Anak Tawu nu katpung udyi kanyu pag-isipun.”

Lukas 17:3

Pagdahan kamu. “Nu magkasala kanmu patar-ari sa kanmu, tamyawa siya bag-u nu iampu niya kay kasalanan, patawadun nimu siya.

Lukas 21:35

Dahil rumas-ug tunda pag kaudasan sa tanan mag-uli sitay sa babaw daga.

Lukas 21:8

Bag-u nagsabi si Hisus magkun, “Pag-aman gid kamu sa unman gid kamu patalangun dahil mayamu ti sumitay mag-apu kang ngaran magkun, ‘Aku yi ngani. Inda yi ti kaudasan’ Danga kamu magsunud sa kanda.

Lukas 8:14

Ti nalagpak sa dugihan tunda imaw ti manga nakadnug, dapat amat-amat pagkisutun sida sa kaaburiduhan naisipan hanggan sa kayamanan hanggan sa daut pag kagustuhan sitay sa babaw daga. Nakan unman magkamhan kay burak.

1 Kurintu 5:11

Dapat inda kang surat sa kanyu, danga kamu magpakiusa una sa kantapu pag-ingarnan patar-ari, nu siya magpanguragin, maramuun, magsamba sa diyus-diyusan, aw ngatay magmuransa, maglangu, magtakaw. Nu katunda kay ugali, danga yi lang magsaru sa kanya.

1 Kurintu 6:10

ti manga magtakaw, ti manga maramuun, ti manga manuglangu, ti manga magmuransa hanggan ti manga manuglupig dayu gid sida masakup sa kay paghari Diyus.

Galasya 5:20

ti magsamba sa diyus-diyusan, ti magpadaya, ti magkutub daut, ti magkagalit, ti mag-imun, ti magkaradat-an, ti maramuun, ti magkinanya-kanya yi isip, ti mag-arapinan,

Diyuturunumiyu 29:19

Una si unu ti nakadnug sa inda pag manga pasandam saad danga mag-isip kuntay balaw siya maunu nu pumarargu siya sa kay gustu. Ti tutuu, magdara inda kadamhakan sa kanyu tanan.

Pilipus 4:6

Danga kamu magkaarimputu sa una hintay pag bagay. Bagkus ngap pagdarangin kamu paghagad sa Diyus kanyu kailangan pag may pasalamat diman.

Hibriyu 12:15

Pagdahan kamu hampay unman may pumatlikud sa kanyu tanan sa kay pakaun Diyus karibrihan. Barang may magtubu ga ilamnun mapait sa kanyu bag-u miabay ti mayamu ngap pag patar-ari sumimray sa katutuuhanan.

2 Pidru 3:10

Rumas-ug ti kaudasan Panginuun parihu sa mananakaw. Sa tunda pag udas madnugan ti matnug gid pag tunug ag madura ti manga langit. Mairub ti init, ti bulan, hanggan ti manga pamgasan. Ti daga hanggan ti tanan bagay sa babaw daga madura diman.

2 Pidru 3:14

Nakan ngani duy manga patar-ari, hanggan kamu mag-alagad waya, intindiha gid niyu kanyu ugali buhi hampay may kahusayan, unman may uring, ud may kadautan sa kay magbantay Panginuun.

Ipinakakit 3:3

Pag-isip-isipa gid nimu nu kabitay nimu natanggap ti kanmu nadnugan pag manga tudlu. Tupada nimu tida. Ampui yi patlikudi yi kanmu buwat kadautan. Nu unman kawu mimata, asan tag aku parihu ga mananakaw. Unman nimu alam ti udas niku pagras-ug sa kanmu.

1 Samwil 25:36

Pagka rinmas-ug si Abigil sa kay balay, magkasayahan sida ni Nabal ga pista yi sa kaharian. Masyadu gid masulung si Nabal ag langu yi gid siya, nakan unman yi niya itinultul tugka sa surip sa kan Nabal kay pagpasampak sa kan Dabid.