Lukas 21:33 - Hanunuu

³³ Ti langit hanggan ti daga may katapusan di, dapat kang bagaw balaw pumalya hanggan aban.

Lukas 21:33 Iomraidhean Croise

Kanta 102:26

Inda sida magkaradura, dapat kawu pumarargu diman. Magabuk sida tanan parihu sa rutay. Ag parihu diman sa rutay, ilisan nimu sida ag madura sida.

Kanta 119:152

Sa kang pag-adal sa kanmu manga tudlu, dugay yi pagnaalaman niku inda kanmu manga pag-itudlu binwat nimu hampay magparargu sa unman may katapusan.

Isayas 40:8

Ti ilamnun magkarubay ag kay busang inda magkarugnas, dapat ti bagaw nita Diyus pumirmaminti hanggan aban.”

Isayas 51:6

Bantayi niyu ti langit hanggan ti kalibutan. Madura ti langit ga anus, madaut ti kalibutan ga rutay, mamatay ti manga nasakupan ga manga iyay. Dapat kang iayaw pag karibrihan pumirmaminti hanggan aban. Ti panalu ag katuwiran ginan sa kangku mapasa-kanyu hanggan aban.

Matiyu 24:35

Madura di aban ti langit hanggan ti daga, dapat kang manga bagaw dayu pumalya.”

Matiyu 5:18

Ungud duy kang pagsabihun sa kanyu, madura di ti langit hanggan ti daga, dapat una lang usa ka pinakadiit pag bahagi Kasuguan ud madura hanggan sa ud matupad ti tanan-tanan manga isinurat siti.

Markus 13:31

Madura di aban ti langit ag ti daga, dapat kang manga bagaw dayu pumalya.”

Lukas 16:17

Dapat balaw kay ibug sabihun udyi may pulus ti Kasuguan, dahil ti Kasuguan marig-un man sa inda pag langit ag daga, dayu maduraan kabuluhan una di usa ka kudlit Kasuguan.

Lukas 21:32

Ungud duy kang pagsabihun sa kanyu, dayu mamatay inda pag sinulput tawu hanggan sa ud matupad inda pag manga bagaw.

1 Pidru 1:25

Dapat ti bagaw Panginuun unman may kaduraan hanggan waya aban.” Inda yi ngani pag Bagaw imaw ti Mayad pag Barita ti itinudlu sa kanyu.

Ipinakakit 20:11

Bag-u nakitan niku ti laun pag malagti pag tukawan hari hanggan ti matukawan siti. Naparaw sa kay atubangan ti daga hanggan langit, udyi maan nakitan uman.