Lukas 21:25 - Hanunuu

²⁵ Sinabi diman ni Hisus, “May manga tanda aban sa init, sa bulan hanggan sa manga pamgasan. Sa babaw daga magkadiklahan ti manga nasyun, magkadala gid sida sa paywas dagat hanggan sa dagmuk taub.

Lukas 21:25 Iomraidhean Croise

Kanta 46:3

una waya pumaywas ag humumbak ti dagat, bag-u magkaratandug ti manga bantud.

Isayas 13:10

Udyi rumayaw ti manga pamgasan. Suminggit ti init dapat madlum diman, hanggan ti bulan unman diman mamakaun rayaw.

Isayas 17:12

Bantayi niyu! Magkagulu ti kayamuan tawu ginan sa manga nasyun. Kanda ingay ga tunug daraka pag humbak.

Isayas 24:23

Mandulum ti init ag ti bulan dahil humari ti Panginuun Makamaskihan sa Bantud Siun, sa Hirusalim. Ag ati pag miburayhaw kay kadayawan sa atubangan manga takinan niya manga nasakupan.

Isayas 5:30

Sa udas gumira sida sa Israil, manringgit sida ga hagunung dagat. Ag nu bantayan manga tawu ti daga Israil, kanda makitan kadudulman ag kakurian. Ti karayawan matakluban madamul pag rurum.

Isayas 51:15

Dahil aku, ti Panginuun niyu Diyus, ti magpatandug sa manga humbak dagat bag-u maghagunung inda. Kang ngaran Yawi, ti Panginuun Makamaskihan sa tanan.

Hirimyas 4:23

Binantayan niku ti daga ag nakitan niku udyi may histuda hanggan udyi may sukad. Bag-u nakitan diman niku ti langit unman yi may rayaw.

Danyil 12:1

Magkun waya ti ga tawu, “Sa ati pag udas, rumas-ug si Mikail, ti makapangyarihan pag takinan mag-apin sa kanmu manga kasimanwa. Makuri gid ti kahamtangan sa ati pag udas. Tunda pag kakurian udwaya nalakawan ginan sa nitindug ti nasyun Israil. Dapat iribri di sa kakurian kanmu manga kasimanwa kay ngaran nakalista sa ribru.

Mikas 7:4

Ti pinakamayad sa kanda parihu lang sa ilamnun unman may pakinabang. Rinmas-ug yi ti kaudasan parusa Diyus sa inda pag manga tawu, ga kay binagaw sa panab-anan manga purupita ga manga guwardiya sa bantayaw. Rinmas-ug yi ti kaudasan nida pagkalitu.

Matiyu 24:29

Sinabi ni Hisus magkun, “Ati katpung aban nu nakalawuy yi tunda pag kakurian, susun dumulum ti init, dayi maninggit ti bulan, mangalagpak ti manga pamgasan ginan sa langit, ti manga bagay sa panungaan langit daga matandug ag magkalabalyuhan sa panungaan langit daga.

Matiyu 27:45

Bag-u nagdulum ti init sa bilug kalibutan ginan sa karaw-an sirang hanggan tugka palis ti init.

Markus 13:24

Magkun si Hisus, “Dapat ati katpung aban nu nakalawuy yi tunda pag kakurian, dumulum ti init, dayi maninggit ti bulan,

Markus 13:26

Bag-u makitan nida ti Anak Tawu rumas-ug padara sa rurum may daka pag kapangyarihan hanggan kadayawan.

Markus 15:33

Pagka karaw-an yi sirang nagdulum ti init sa bilug kalibutan hanggan palis ti init.

Lukas 21:24

Matyun sida manga sundalu may armas baladaw, kay iba bihagun darahun tag sa una naan pag nasyun. Tatatataan manga balaw Hudiyu ti Hirusalim hanggan sa udwaya lumawuy ti kaudasan kapangyarihan manga balaw Hudiyu.”

Lukas 21:26

Manlubay yi lang gid aban ti manga tawu sa dala sa manga mangyari waya sa bilug kalibutan. Ti manga bagay sa panungaan langit daga matandug ag magkalabalyuhan.

Binwat 2:19

Pumakakit aban aku manga makadululaw sa langit ati sa tungud ag manga tanda sa sirung langit sa babaw daga, dugu ngani, apuy ag magtalimbuuk pag anus.

Ipinakakit 20:11

Bag-u nakitan niku ti laun pag malagti pag tukawan hari hanggan ti matukawan siti. Naparaw sa kay atubangan ti daga hanggan langit, udyi maan nakitan uman.