Lukas 21:24 - Hanunuu

²⁴ Matyun sida manga sundalu may armas baladaw, kay iba bihagun darahun tag sa una naan pag nasyun. Tatatataan manga balaw Hudiyu ti Hirusalim hanggan sa udwaya lumawuy ti kaudasan kapangyarihan manga balaw Hudiyu.”

Lukas 21:24 Iomraidhean Croise

Gimpuunan 34:26

Minatay diman nida si Hamur hanggan kay anak si Sikim. Bin-ul diman nida si Dina sa balay ni Sikim, ag ginminan.

Pag-ighit 17:13

Nakan natalu nida ni Huswi ti manga Amalikita.

Isayas 5:5

“Sabihun niku sa kanyu ti buwatun niku sa kang ubasan. Bul-un niku ti manga halaman sa kay sangput magsirbi alad sa ubasan ag dautun niku kay alad batu hampay kan-un ag tatatataan manga hayup ti manga tanum ubas.

Isayas 63:18

Sa dag-ud pag panahun, ti manga nasakupan nimu ti nag-apu kanmu Balay. Ag taynguna, dinaut yi inda nimi manga kalaban.

Isayas 66:12

Dahil magkun ti Panginuun, “Paunladun niku ti Hirusalim. Darahun tag sa kanya ti kasiyunan ginan sa iba nasyun ga maglapwas pag bululusan danum. Miparihu kamu sa lapsag asikasuhun mayad, hiyaptan, ipasusu, ag sapupwun niya ina.

Isayas 66:19

Mamakakit aku makadululaw sa kanda. Ag ti manga masawad sa kanda ipadara niku atag sa nasyun Tarsis, Pul, Lud (kay manga nasakupan bantug sa paggamit ugyung), Tubal, Grisya, ag iba waya pag manga ararayu rugar udwaya nakadnug sa kang kadayawan ag balaw nakakit sa kang kamaskihan. Itultul nida kang kamaskihan sa manga nasyun.

Karukuan 1:15

Dinayu Panginuun ti tanan niku manga sundalu. Nanipun siya manga sundalu sa pagpadamhak sa kang kalay-awan manga lalaki. Ti manga mag-uli sa Huda ga manga ubas ipinaslud sa gilingan ag tinatatataan Panginuun.

Danyil 12:7

Ipinaabwat tawu nakarutay linu kay duwa ka kamang ag nasaydan niku nanumpa siya sa ngaran Diyus buhi unman may katapusan. Magkun siya, “Matapus inda pagkalawuy tulu ka timpu may tunga, nu matapus yi ti kakurian manga nasakupan Diyus.”

Danyil 8:13

Nasaydan niku ti duwa ka anghil magharampangan. Nagpaingana ti usa ka anghil sa usa, “Kabitay nguna kadugay matapus inda pag pangakakitun tungkul sa pag-ampara sa sirang-sirang pag handug hanggan ti pag-uring sa Balay Diyus imaw ti kadahilanan agud mapabay-anan inda, ag ti pagtatatata sa Balay Diyus hanggan sa manga taga langit pag sundalu?”

Danyil 9:27

Tunda pag hari mamuwat matibay pag kasunduan sa kayamuan tawu sa sulud pitu ka timpu. Dapat pagkalawuy tulu ka timpu may tunga, amparahun niya ti manga handug ag ipauli niya sa Balay Diyus ti manga mayagting pag bagay, nakan pabay-anan ti Balay Diyus. Pumirmaminti inda ati tugka sa rumas-ug ti katapusan hari, angay sa itinagka Diyus.”

Malakyas 1:11

Sa kay tutuu, pagdayawun manga nasyun kang ngaran, ginan sa butlakan tugka sa isalpan. Una naan pag rugar magtuub ti manga tawu kamangyan ag maghandug malumpiyu pag manga handug sa kangku.

Lukas 21:25

Sinabi diman ni Hisus, “May manga tanda aban sa init, sa bulan hanggan sa manga pamgasan. Sa babaw daga magkadiklahan ti manga nasyun, magkadala gid sida sa paywas dagat hanggan sa dagmuk taub.

Ruma 11:25

Manga patar-ari, gustu niku maalaman niyu ti usa ka katutuuhanan udwaya maburayhawan, hampay balaw mag-isip kamu palabi-labi sa kanyu sadili. Ti kaganitan nasyun Israil balaw padayun-dayun, balaw hanggan aban. Inda magkadugay lang hanggan sa udwaya makapakarani sa Diyus ti tanan manga ginayak niya pag manga balaw Hudiyu.

Hibriyu 11:34

Madi sida libunun mana baladaw nakaribri di. Madi naglumuy sida pinabisug maan hampay maglaban sa gira ag hampay pumaurung sa manga gurupu sundalu taga iba daga.

Ipinakakit 11:2

Dapat danga dap nimu pagsukata kay manga parasyaran sa luwas Balay Diyus, dahil ipinahintulut tunda sa manga tawu unman magpasakup sa Diyus. Sulud upatpulu may duwa ka bulan kanda aban tatatataan lulud ti banal pag banwa.