Lukas 20:47 - Hanunuu

⁴⁷ Dapat pagtabuhun nida ti kasiyunan manga buranday bag-u magpadayaw-dayaw diman sa kanda magdarangin araba. Lalu waya mabuyat aban pag parusa sa kanda.”

Lukas 20:47 Iomraidhean Croise

Isikil 22:7

Sitay sa kanmu unman yi paggalangun ti manga gurang. Ti manga day-uhan mag-uli sa kanmu pagkuwartahan, ag ti manga ulila ag manga balu pag babayi balaw pag-itaratu mayad.

Isikil 33:31

Nakan magpakarani kang nasakupan sa kanmu ag ga magkaibug gid sida magpatingi sa kanmu, dapat kay tutuu unman nida pagtupadun kanmu pagsabihun. Mayad lang sida magbagaw kuntay pagmahalun nida aku, dapat ti sa sulud nida tagipusuun imaw ti maramuun sa kuwarta.

Amus 2:7

Pag-apihun nida ti manga pugri ag balaw nida pagpakan-an katadlungan. May imaw sa kanda ti magtal-ama mag-ulid sa usa lang ka babayi. Dahil siyun pagpakay-ahun nida kang banal pag ngaran.

Mikas 2:2

Pag-agawun niyu ti manga tanman hanggan ti pagkaibgan niyu pag manga balay. Pagdayaun niyu ti manga tawu hampay mab-ul niyu kanda balay una hanggan kanda minana pag daga.

Mikas 2:8

Dapat pagsalakayun niyu ga manga kalaban ti manga pugri niku pag nasakupan. Kanda isip nu muli sida sa kanda banwa ginan sa girahan ribri yi sida, dapat tunda maaw agawun niyu kanda manga kulimpay.

Mikas 3:2

Dapat dayu kamu sa mayad ag gustu niyu ti daut. Pag-unuunuhun niyu kang manga kasimanwa; bilang ga paghilapun niyu sida ag pagbul-an nayi kanda manga but-ul, pagkatapus pagtuktukun kanda manga but-ul ag paggurutun ti manga nayi ag pagtamaun bag-u pagkan-un.

Matiyu 23:13

Sinabi ni Hisus, “Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Bilang ga tinalakpan niyu ti sabian hampay ti manga tawu dayu makasulud sa kaharian langit. Kamu dayu magsulud sa kaharian langit bag-u kanyu waya pag-amparahun ti manga magkaibug magsulud ati.

Matiyu 23:14

“Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Pagtabuhun niyu ti kasiyunan manga buranday dapat magpadayaw-dayaw diman kamu sa kanyu magdarangin araba. Dahil sa katida lalu waya mabuyat aban pag parusa sa kanyu!

Markus 12:40

Pagtabuhun nida ti kasiyunan manga buranday, dapat magpadayaw-dayaw diman sa kanda magdarangin araba. Lalu waya mabuyat aban pag parusa sa kanda.”

Lukas 12:1

Nagtiripun ti mayamu pag linibu tawu, nanarat-an yi dahil sa kayamuan. Magkun si Hisus sa kay manga tuludluan, “Pag-aman kamu sa magpabalhinguun manga Parisiyu, parihu ga pamadaka sa tinapay kay ugali.

Lukas 20:46

“Pag-aman kamu sa manga manugtudlu Kasuguan. Magkaibug sida mamasyar sadsad kay rutay, masulungun sida paggalangun, magpabaya-baya sa manga luwas balay. Nu sa simbahanan manga Hudiyu kanda gustu tumukaw sa tukawan iinalistu sa may kangaranan. Nu may karan-an kanda gustu makatukaw sa marinu pag tukawan.

Lukas 21:1

Nagbantay si Hisus sa kay libut. Bag-u nakitan niya ti manga tawu mayaman magsukad kanda kuwarta sa sukadan kuwarta Balay Diyus.

1 Tisalunika 2:5

Alam diman waydi niyu sa kanmi pagtudlu kaybi balaw kami magpakakit-kakit lang sa atubangan manga tawu ag alam di Diyus sa kanmi pagtudlu kaybi unman diman waydi kami may pag-itagu ugali maramuun.

Titu 1:16

Ti sabi nida kilala kunu nida ti Diyus, dapat sa kanda tarabahu pag-ipaulam ngap nida ti Diyus. Pagpanab-angan yi sida, dahil sida manga supladu, dayu mahimu sida sa una hintay pag mayad buwat.

Santiyagu 3:1

Manga patar-ari niku, danga mana maghingbut ti mayamu sa kanyu hampay manga manugtudlu, kabay alam diman niyu kita manga manugtudlu lalu gid pihuun aban nu daut nu mayad.