Lukas 20:35 - Hanunuu

³⁵ Dapat tunda pag manga tawu ti pinakan-an Diyus karampatan hampay makalakaw sa pagkabuhi uman ginan sa kamatayan ag makaaput sa bag-u buhi, sida udyi umasawa udyi paasawan-un.

Lukas 20:35 Iomraidhean Croise

Matiyu 12:32

Una si unu ti bumagaw laban sa Anak Tawu may patawad di dapat ti tawu nu magbagaw laban sa Ispiritu Banal udyi patawadun, una sa kainda katpung pag panahun una hanggan waya aban.”

Matiyu 22:29

Magkun maan si Hisus, “Unman gid duy tama kanyu pagbagawun, dahil unman niyu magkasalman ti Banal Kasuratan hanggan kay kapangyarihan Diyus.

Markus 10:42

Nakan sinabi ni Hisus sa kanda, “Abala duy dapu kamu.” Bag-u kay sinabi sa kanda magkun, “Nadnugan niyu ti manga pinunu manga unman magsarig sa Diyus magpalabi-labi sa kanda manga sakup. Ti may manga kangaranan sa kanda maggamit waydi kanda karampatan.

Markus 12:24

Sinabi ni Hisus sa kanda, “Unman gid duy tama kanyu pagbagawun, dahil unman niyu magkasalman ti Banal Kasuratan una kay kapangyarihan Diyus.

Lukas 16:8

“Nagdayaw kay amu sa tunda pag katiwala maradaya, dahil madunung siya magparaan. Dahil ti manga tawu taga kalibutan masyadu gid madunung magparaan sa kanda magpasundu sa kanda manga kaparihu, subra man sida madunung sa manga tawu nakaintindi tungkul sa Diyus.”

Lukas 21:36

Pagmaimatahan gid kamu. Pagdarangin pirmi hampay una kamu lumakaw sa tunda pag kakurian, lumapus di kamu ag makatindug sa atubangan niku, sa Anak Tawu.”

Huwan 5:29

Bag-u sida lumuwang ginan sa kalubngan. Ti manga nagbuwat mayad buhiun uman hampay may buhi unman may katapusan. Ti manga nagbuwat daut buhiun uman bag-u sintinsiyahan sida sa kaparusahan.”

Binwat 24:15

Parihu diman sa kanda mag-asa aku sa Diyus buhiun maan niya ti tanan tawu, ti manga matadlung hanggan ti manga unman matadlung.

Binwat 5:41

Pagka ginan sa atubangan Katipunan manga Pinunu, nuli maan ti manga apustul. Nakabaya gid ungud sida, dahil pinakan-an sida karampatan hampay mag-agwanta parusa dahil ngani sa kan Hisus.

2 Tisalunika 1:5

Inda yi ngani ti puruyba tungkul sa kay katadlungan Diyus sa kay pagkilala sa tawu. Kamu kay pagkilalan-un niya kuntay kang-ud hampay tanggapun niya sa kay kaharian, madi taynguna kamu may pag-agwantahun dapu tungkul sa kay kaharian Diyus.

Hibriyu 11:35

Dahil sa kanda pagsarig manga babayi nakan kanda maan tinanggap kanda manga kasunu balay madi namatay, dapat nabuhi maan. Ti iba namatay sa pakuri manga tawu, balaw may gustu sida kaariwayahan hampay lalu mayad kanda matanggap sa ikadwa pag kinabuhi.

Ipinakakit 3:4

Dapat una katida, may imaw waya pira ka tawu asan sa Sardis manga maaman, malumpiyu di kanda rutay, nakan sida aban pirmi kaibahan niku may sulung rutay malagti, dahil sida ti may karampatan.