Lukas 20:25 - Hanunuu

²⁵ Bag-u sinabi ni Hisus sa kanda magkun, “Nakan ipakaun lang sa Pangulu Hari ti para sa kanya. Dapat ay ipakaun niyu sa Diyus ti para sa Diyus.”

Lukas 20:25 Iomraidhean Croise

Kabagawan 24:21

Anak, galanga ti Panginuun ag ti hari. Danga kawu mag-upud sa manga tawu maglaban sa kanda,

Matiyu 17:27

Dapat ay una katida, pag-atag kawu sa danaw, itaplik nimu kanmu banwit. Bul-a nimu ti kabag-u nimu bulay pag isda, pangangaha nimu kay bibig bag-u may makitan kawu usa ka kuwarta pilak. Bul-a nimu tunda ibayad nimu sa buhis nita duwa hampay unman sida may ikadaut sa kanta.”

Matiyu 22:21

Sinmagut sida sa kanya magkun, “Sa Pangulu Hari duy inda.” Bag-u magkun si Hisus sa kanda, “Nakan ngani ipakaun lang sa Pangulu Hari ti para sa kanya. Dapat ay ipakaun niyu sa Diyus ti para sa Diyus.”

Markus 12:17

Bag-u magkun si Hisus, “Nakan ngani ipakaun lang sa Pangulu Hari ti para sa kanya. Dapat ay ipakaun niyu sa Diyus ti para sa Diyus.” Pagka nadnugan nida kay sagut ni Hisus, naglingut gid masyadu sida sa kanya.

Lukas 20:24

“Anti duy kam dinaryu, manhimalad aku. Kantapu pag uyahun ti mapalatan sa inda pag kuwarta? Kantapu pag ngaran ti nakasurat?” Magkun sida, “Sa Pangulu Hari duy inda.”

Binwat 5:29

Bag-u nagsagut si Pidru hanggan ti iba manga apustul magkun, “Kailangan nimi tupadun ti manga bilin Diyus, balaw ti bilin tawu.

1 Kurintu 10:31

Nakan una kamu magkaun una mag-inum, una hintay kanyu pagbuwatun, buwata niyu ti tanan sa ikadayaw sa Diyus.

1 Pidru 4:11

Nu kawu magpaliwanag, pagginan sa Diyus kam paliwanag. Nu kawu manugsirbi waydi, gamitun nimu ti kabisugan ipinakaun Diyus sa kanmu magsirbi, hampay sa tanan bagay dayawun ti Diyus dahil sa kan Hisu-Kiristu. Sa kanya ti kadayawan hanggan kamaskihan hanggan di aban. Amin.