Lukas 2:7 - Hanunuu

⁷ Ag kay inanak kay akaan anak lalaki bag-u kay pinulhut sa kumut ag ibinugtang sa labangan hayup. Ati sida sa balay hayup, dahil udyi gid may madayunan sida sa kanda rinas-ugan pag balay.

Lukas 2:7 Iomraidhean Croise

Gimpuunan 42:27

Pagka magkayabi yi nagpat-ung sida sa usa ka rugar hampay ati pag manpahari, ti usa sa kanda nagbukas kay saku hampay pakaunun kay asnu. Pagbukas niya, nakitan niya ati ti ibinayad niya pag kuwarta.

Gimpuunan 43:21

Igu mag-uli yi duy kami, pagka magkayabi yi nagpahari kami sa usa ka rugar, bag-u binukasan nimi ati kanmi manga saku ag nakitan nimi sa sulud ti ibinayad nimi para sa karan-unun. Nakan indaay yi duy, pag-iuli yi nimi inda pag kuwarta.

Kanta 22:6

Pagpakay-ahun aku ag pagpuyaan manga tawu. Magkun sida ga iyay aku ag balaw tawu.

Pag-ighit 4:24

Pagka maglakaw yi sida ni Muysis hanggan kay magtal-anakan, nagpahari sida sa usa ka paraharyan. Inatag Panginuun si Muysis ag pagkaibgan mana matyun.

Isayas 7:14

Nakan ngani, ti Panginuun yi ngapu ti pumakaun palatandaan sa kanyu: Mamuduy ti usa ka daraga, manganak siya usa ka anak lalaki. Ingarnan niya ti anak “Imanwil.”

Matiyu 1:25

Unman mag-ululidan sida ni Husi ni Marya hanggan sa udwaya nianak kay anak lalaki. Ag iningarnan ni Husi ti anak kay ngaran si Hisus.

Matiyu 13:55

Unman aw anak siya panday? Unman aw kay ngaran niya ina si Marya? Unman aw sida ni Santiyagu, ni Husi, ni Simun, ni Hudas kay manga patar-ari lalaki?

Matiyu 8:20

Magkun si Hisus sa kanya, “May ulian ti manga simarun idu sa manga basad lukib, may pugad ti manga manuk, dapat aku, ti Anak Tawu, unman may paraharyan.”

Lukas 10:34

Nagpakarani siya, binuhusan niya lana hanggan intus kay manga biyag bag-u kay tinalapisan. Bag-u kay ipinasakay sa kay sadili hayup. Dinara niya siya tag sa balay dayunan. Pagka ati siya inalagaan niya mayad.

Lukas 2:6

Pagka ati sida sa Bitlihim, magpanamdam si Marya arani yi manganak.

Lukas 2:8

May manga manug-alaga karanidu sa pasturan arani banwa Bitlihim. Magbantay sida sa yabi sa kanda manada hayup.

Huwan 1:14

Nagpakatawu ti Bagaw, ag nangulian siya sitay sa kanta. Mayad gid kay nabubut-un ag lubus ipinakilala niya ti katutuuhanan tungkul sa Diyus. Nakitan nimi kay kadayawan kay tinanggap ginan sa Ama dahil siya ti Bugtung Anak.

2 Kurintu 8:9

Alam niyu nu kabitay kadaka kay pagmahal nita Panginuun Hisu-Kiristu. Madi mayaman nagpakipugri siya hampay yumaman kamu ginan sa kay kapugrihan.

Galasya 4:4

Dapat ay pagka rinmas-ug ti taning pag kaudasan sinugu Diyus kay Anak. Ainanak siya usa ka babayi, kay buhi napasakup sa sirung Kasuguan,