Lukas 2:49 - Hanunuu

⁴⁹ Magkun si Hisus sa kanda, “Hayga duy aku kanyu paghanapun? Unman aw niyu alam aku atay may buruwatun sa balay niku Ama?”

Lukas 2:49 Iomraidhean Croise

Kanta 40:8

Diyus niku, gustu niku tupadun kanmu kagustuhan. Kanmu kasuguan paghamnuun niku sa kang tagipusuun.”

Malakyas 3:1

Pagpatingi kamu sa pagsabihun Panginuun Makamaskihan, “Ipadara niku kang manugbarita hampay ialistu kang lakawan. Bag-u ti Panginuun kanyu pag-alagdun kadaka rumas-ug sa kay Balay. Rumas-ug kanyu pagpatigagadun pag manugbarita imaw ti mamatigayun sa kang kasunduan.”

Matiyu 21:12

Sinmaka si Hisus sa Balay Diyus. Tinulak niya sa karagasyun ti manga magbili, manga magpabili sa sulud Balay Diyus. Linikwang niya ti manga burugtangan kuwarta manga manugbalyu hanggan ti manga tukawan manugtinda kalampati.

Lukas 2:48

Pagka siya nakitan nida ni Marya ni Husi naglingut gid sida sa kanya. Bag-u sinabi niya ina magkun, “Kawu duy pag anak, hayga binwat nimu sa kanmi ti katida? Kami kanmu ina kanmu ama maruku yi, dugay kawu nakitan nimi.”

Huwan 4:34

Magkun si Hisus sa kanda, “Kang pinagkakaran-unun duy kang yi ngani magtupad sa kay kagustuhan niku Ama hanggan sa ud matapus niku ti buruwatun kay iinintirga sa kangku, dahil siya ngani ti nagsugu sa kangku.

Huwan 5:17

Nakan sinabi ni Hisus sa kanda magkun, “Hanggan taynguna unman may kaapasan kang Ama sa kay buwat, nakan una aku magbuwat diman gid.”

Huwan 5:36

Dapat sa kang manga pagbuwatun pag makilala gid nu si unu aku, balaw lang ga sa kan Huwan itinultul tungkul sa kangku. Pagbuwatun niku ti iinintirga Ama pag buruwatun sa kangku. Nakan tunda ngani pag buruwatun tigpakilala nu si unu aku. Sa kang manga buruwatun pag makitan diman niyu aku sinugu Ama.

Huwan 6:38

Dahil aku nagsitay ginan sa langit balaw hampay masunud niku kang sadili kagustuhan, bagkus ngap hampay tupadun niku ti kagustuhan Diyus imaw ti nagsugu sa kangku.

Huwan 8:29

Ti nagsugu sa kangku pirmi magpakiusa sa kangku. Balaw gid pinabay-anan niya aku, dahil pirmi pagbuwatun niku ti sa ikabaya niya.”

Huwan 9:4

Ti Ama ti nagsugu sa kangku, nakan hanggan may sirang waya kailangan tupadun nita ti buruwatun niya. Nu bay yabi yi aban, udyi may makabuwat una si unu pag tawu.