Lukas 2:47 - Hanunuu

⁴⁷ Ti tanan nakadnug sa kanya masyadu gid naglingut sa kay manga sagut dahil matinudukun gid siya.

Lukas 2:47 Iomraidhean Croise

Kanta 119:99

Mayamu waya kang naintindihan kaysa kang manga manugtudlu, dahil kanmu tudlu imaw kang pag-isip-isipun.

Matiyu 13:54

Nag-ati siya sa kay kinadak-anan pag banwa, bag-u nanudlu siya sa kanda ati sa simbahan manga Hudiyu. Naglingut ti manga tawu pagka nakadnug sa kanya. Magkun sida, “Naan ginan pag nakatau inda pag tawu kay kadunungan? Kabitay pagbuwatun niya inda pag manga makadululaw?

Matiyu 22:33

Pagka nadnugan manga tawu inda nadulaw sida sa kay manga tudlu ni Hisus.

Matiyu 7:28

Pagkatapus itinudlu ni Hisus inda pag manga bagaw, nadulaw ti manga tawu sa kay tudlu.

Markus 1:22

Naglingut ti manga tawu sa kay tudlu, dahil nanudlu siya sa kanda bilang may karampatan, balaw parihu sa manga manugtudlu Kasuguan.

Markus 11:18

Nadnugan diman tunda manga pangulu manughandug hanggan manga manugtudlu Kasuguan. Siyun ginan naghanap sida paraan hampay kanda ipamatay si Hisus. Magkadala sida sa kanya dahil ti tanan tawu nadulaw sa kay adal.

Markus 6:2

Pagka Sirang Pamahari yi nanudlu siya sa simbahan manga Hudiyu. Mayamu tawu nagpatingi sa kanya. Naglingut gid sida magkun, “Naan ginan pag bin-ul niya inda pag kapangyarihan? Hintay pag kalasi kadunungan inda ti ipinakaun sa kanya? Kabitay kay magbuwat pag makamaskihan buwat inda?

Lukas 2:18

Ti tanan nakadnug inda nadulaw sa itinultul manga manug-alaga karanidu.

Lukas 2:46

Sa ikatlu pag sirang, bag-u di kanda nakitan si Hisus sa Balay Diyus, matukawan sa karaw-an manga manugtudlu Kasuguan. Magpatingi siya sa kanda, magpaingana waya.

Lukas 4:22

Sida tanan nagdayaw gid sa kanya, naglingut dahil marinu gid kay binagaw. Magkun sida, “Bukun aw lugud inda kan Husi lang pag anak?”

Lukas 4:32

Nadulaw sida sa kay tudlu dahil may kamaskihan kay bagaw.

Huwan 7:15

Naglingut gid ti manga pinunu magkun, “Kabitay pag nakatau inda pag tawu kadunungan, madi unman may nanudlu sa kanya?”

Huwan 7:46

Sinmagut ti manga pulis magkun, “Una kaybi ginan unman may tawu magbagaw katida kay kaayad.”