Lukas 2:41 - Hanunuu

⁴¹ Timpu timpu mag-ati kay manga gurang ni Hisus sa banwa Hirusalim sa Kapistahan sa Pag-alaala sa Karibrihan.

Lukas 2:41 Iomraidhean Croise

Pag-ighit 12:11

Sa kanyu magkaun, kailangan alistu yi kamu umighit. Isulung yi niyu kanyu manga lapak ag pag mahiyaptan yi sa kanyu sugkud. Kadali kamu magkaun. Inda ti Pista Pag-alaala sa Karibrihan kailangan alalahanun niyu bilang pagkilala sa kangku.

Pag-ighit 12:14

“Kailangan kanyu tandaan inda pag sirang hanggan aban. Idaus niyu inda timpu-timpu bilang pista pagkilala sa kangku. Inda pag surundanun kanyu sundun tugka sa sunud pag manga sinulput tawu.

Pag-ighit 34:23

“Kada timpu, ti tanan niyu kalalakihan kailangan umatag sa inda pag tulu ka pista pagsamba sa kangku, ti Panginuun kanyu Amu, ti Diyus Israil.

Libitiku 23:5

Ti Pista Pag-alaala sa Karibrihan pag-idaus kada ika-14 pag sirang sa un-an pag bulan.

Bilang 28:16

“Tupada niyu ti Pista Pag-alaala sa Karibrihan sa ika-14 pag sirang sa un-an pag bulan.

Lukas 2:42

Pagka may sampulu yi may duwa ka timpu kay idad ni Hisus, nagtukad maan sida tag sa Hirusalim, ga kanda diman ugali tag sa Kapistahan.

Huwan 11:55

Ati katpung arani yi ti Kapistahan sa Pag-alaala sa Karibrihan. Una naan ginan pag manga rugar mayamu tawu nag-ati sa Hirusalim hampay tupadun nida ti manga ibinilin sa Kasuguan agud malumpiyu sida sa kay magbantay Diyus bag-u magpista.

Huwan 13:1

Ati katpung bag-u Kapistahan sa Pag-alaala sa Karibrihan, alam yi ni Hisus inda yi ngani pag kaudasan siya umighit ginan sa kalibutan atag sa Ama. Daan minayad gid niya ti manga napasakup sa kanya sitay sa babaw daga, ag kay minayad niya sida hanggan sa katapusan niya buhi.

Huwan 2:13

Arani yi ti Kapistahan sa Pag-alaala sa Karibrihan. Nakan nag-ati si Hisus sa Hirusalim.

Huwan 6:4

Ati katpung arani yi ti Kapistahan manga Hudiyu sa Pag-alaala sa Karibrihan.

Diyuturunumiyu 12:11

Bag-u darahun niyu kanyu manga handug ati sa piliun Panginuun niyu Diyus pag rugar nu naan pag dayawun siya. Inda pag manga handug ti pag-isugu niku sa kanyu: manga handug pagsunugun ag iba waya pag manga handug, hanggan kanyu ikasampulu, ag ti ipinablag pag manga pakaun, hanggan ti tanan pag pinakamayad pag handug kanyu itinaratu sa Panginuun.

Diyuturunumiyu 12:18

Kan-un lang niyu inda sa atubangan Panginuun niyu Diyus ati sa rugar kay piliun kaibahan kanyu manga anak, manga panawuhun, ag manga Libita mag-uli sa kanyu manga banwa. Magbarayaan kamu ati sa atubangan Panginuun niyu Diyus sa tanan niyu buruwatun.

Diyuturunumiyu 16:16

“Kada timpu, ti tanan niyu lalaki kailangan magluwang sa inda pag tulu ka pista: ti Pista sa Tinapay Unman may Pamadaka, ti Pista Tig-arani, ag ti Pista sa Pagbuwat manga Payag. Ti kada usa sa kanda pag-atag sa atubangan Panginuun niyu Diyus ati sa rugar kay piliun, ag kailangan magdara sida manga handug sa Panginuun sa kanda makayahan, angay sa ipinakaun pag papalad Panginuun niyu Diyus sa kanda.

1 Samwil 1:21

Rinmas-ug maan ti udas si Ilkana hanggan kay buu magtal-anakan manhandug sa Panginuun ga kaybi diman ga kanda pagbuwatun kada timpu. Inda diman ti udas manhandug siya bilang pagtupad sa kay taratu sa Panginuun.

1 Samwil 1:3

Kada timpu mag-atag si Ilkana hanggan kay magtal-anakan sa Silu hampay mansamba ag manhandug sa Panginuun Makamaskihan. Ti duwa ka anak ni Ili sida ni Hupni ni Piniis imaw ti manga manughandug Panginuun ati sa Silu.