Lukas 2:37 - Hanunuu

³⁷ Walumpulu may upat ka timpu siya buranday yi. Siyun yi gid sa Balay Diyus kay ulian. Pirmi gid magsamba sirang yabi, udyi maghandum karan-unun sa kay magdarangin.

Lukas 2:37 Iomraidhean Croise

Kanta 22:2

Diyus niku, yabi-sirang magtawag aku sa kanmu, dapat unman nimu aku pagsagtun, nakan unman aku may pahari.

Kanta 23:6

Pihu gid pumarargu sa kangku kanmu kaayadan hanggan pagmahal habang buhi aku. Ag mangulian aku sa kanmu balay, Panginuun, hanggan aban.

Kanta 27:4

Usa ka bagay kang paghagadun sa Panginuun, inda kang gid pagkaibgan: ti makaulian aku sa kay Balay habang buhi aku, agud makitan niku kay kadayawan, ag hilingun sa kanya giyahan niya aku.

Kanta 84:10

Ti usa ka sirang pagpangulian sa kanmu Balay mayad waya kaysa usa ka libu sirang pagpangulian sa una naan pag rugar. Diyus, palabihun waya niku manindug sa sabian nimu Balay kaysa mangulian sa balay manga magbuwat daut.

Kanta 84:4

Mapalad ti manga tawu mag-uli sa kanmu Balay; pirmi sida magkanta manga pagdayaw sa kanmu.

Kanta 92:13

Parihu sida sa manga kayu itinanum sa Balay Panginuun nita Diyus,

Pag-ighit 38:8

Bag-u namuwat siya galang palanggana hanggan kay turungbawan inda human diman sa galang. Ti manga galang ginamit siyun ginan sa galang salamin manga babayi magsirbi sa sabian Turda Tiripnan.

Lukas 5:33

Sinabi nida sa kan Hisus, “Ti manga tuludluan ni Huwan malagat unman maghandum karan-unun kanda magdarangin sa Diyus. Katunda diman ti manga tuludluan manga Parisiyu. Bati kanmu manga tuludluan magkaun diman mag-inum.”

Binwat 13:3

Pagka nagpauray waya gid sida sa darangin, kinup-an nida kamang sida ni Birnabi ni Saulu bag-u kanda sinugu tag sa buruwatun.

Binwat 14:23

Sa kada iglisya nagpili sida ni Pablu manga manug-asiwa para sa kanda. Bag-u nagpauray sida sa darangin, kanda iinintirga ti manga manug-asiwa sa Panginuun imaw kanda pagsarigan.

Binwat 26:7

Imaw diman pag taratu ti pag-asahan sampulu may duwa ka linahi nita nasyun, nakan sida masipag gid sa kanda magsamba sa Diyus sirang yabi. Dahil sa kang mag-asa, Hari Agripa, sa tunda pag taratu, nakan aku idinimanda ngap manga Hudiyu.

1 Timutiyu 5:5

Ti babayi buranday nu udyi may katawuhan, Diyus wadi kay pagsarigan, nakan ngani pirmi siya magdarangin sirang yabi maghagad kay pangailangan sa Panginuun.

Ipinakakit 3:12

Ti manalu pag tawu buwatun niku ga usa ka tulduk sa balay niku Diyus, dayi ayitun siya ati ginan hanggan waya aban. Iguhit niku sa kanya ti ngaran niku Diyus hanggan ti ngaran banwa niku Diyus, imaw ti bag-u Hirusalim ti dumugsun ginan sa langit, ginan sa kang Diyus. Iguhit diman niku sa kanya kang bag-u pag ngaran.

Ipinakakit 7:15

Nakan ngani sida sa atubangan tukawan Diyus ag magsirbi sa kanya sirang yabi sa kay balay. Ti nakatukaw sa tukawan hari tig-ukub sa kanda hampay udyi may mangyari sa kanda.

1 Samwil 2:2

Unman gid may iba banal nu unman ti Panginuun. Unman gid may pumarihu sa kanya. Unman gid may palalan-iban pag batu ti pumarihu sa kanta Diyus.