Lukas 2:10 - Hanunuu

¹⁰ Dapat magkun ti anghil sa kanda, “Kamu duy, danga magkadala, dahil malu, may dara aku sa kanyu tabug usa ka mayad gid pag barita may daka pag kabayaan sa tanan tawu.

Lukas 2:10 Iomraidhean Croise

Gimpuunan 12:3

Papaladan niku ti magpapalad sa kanmu. Dapat saadan waydi niku ti magsaad sa kanmu. Sa panab-anan nimu, papaladan niku ti tanan tawu sa kalibutan.”

Isayas 40:9

Kamu pag manga manugpadakit mayad pag barita sa Siun, ti banwa Hirusalim, pagdayik kamu sa abwat pag bantud, ag iringgit niyu ti mayad pag barita. Danga kamu magkadala, sabihun niyu sa manga banwa Huda kuntay asan yi kanda Diyus.

Isayas 41:27

Aku, ti Panginuun ti maysabi inda kaybi sa Siun, ti banwa Hirusalim. Namadara aku usa ka manugtultul hampay ibarita ti mayad pag barita kuntay asan yi ti manug-awat sa kanda.

Isayas 49:6

Magkun siya, “Kawu kang manugsirbi, mayamu waya pag manga buruwatun ti ipabuwat niku sa kanmu, purya sa pagpabalik nimu sa kang pag-alagaan pag manga Israilita. Buwatun waya niku kawu sulu manga nasyun, hampay maribri ti buu kalibutan.”

Isayas 52:10

Ipakakit Panginuun ti bukud tangi niya pag kamaskihan sa tanan nasyun, ag makitan buu kalibutan ti pagribri nita Diyus.

Isayas 52:7

Marinu bantayan ti manga manugbarita maglakaw sa kabantudan magdara mayad pag barita kahusayan hanggan kaayadan sa Hirusalim, dahil iribri yi inda Diyus. Sabihun nida sa manga taga Hirusalim, “Maghari yi kanyu Diyus!”

Isayas 61:1

Ti Ispiritu Panginuun Diyus sa kangku. Dahil pinili niya aku hampay manudlu mayad pag barita sa manga makuri. Sinugu niya aku hampay libangun ti manga nabiyagan kay tagipusuun ag para ibarita sa manga bihag hanggan sa manga pirisu sida malaya yi.

Danyil 10:19

Magkun siya sa kangku, “Kawu pagmahalun Diyus, danga kawu magkadala ngatay magkaarimputu. Pagpakabisug ag pagpakarig-un kawu.” Pagka nasabi niya tunda sa kangku, binmaskug maan aku. Magkun aku sa kanya, “Pararguhan duy kanmu pagbagawun, dahil pinabisug yi nimu aku.”

Sakaryas 9:9

Magkun ti Panginuun “Paghuyaw kamu sa kabayaan, kamu pag manga mag-uli sa Siun, ti banwa Hirusalim, dahil kanyu hari rumas-ug yi. Matadlung siya ag marapanalu. Mapinakumbabaun siya ag rumas-ug masakyan sa anak asnu.

Matiyu 14:27

Dapat kadaka binmagaw si Hisus sa kanda, “Pagmatutum kanyu naisipan, aku di. Danga magkadala kamu.”

Matiyu 28:18

Nagpakarani si Hisus bag-u sinabi niya sa kanda magkun, “Ipinakaun sa kangku ti tanan karampatan sa langit hanggan sa babaw daga.

Matiyu 28:5

Magkun ti anghil sa manga babayi, “Kamu duy danga magkadala, dahil alam niku paghanapun niyu si Hisus ti ipinaku sa kurus.

Markus 1:15

“Natupad yi ti kaudasan, udyi dugay rumas-ug yi kay paghari Diyus. Iampu yi niyu kanyu kasalanan, pagpaniwala sa Mayad pag Barita.”

Markus 16:15

Sinabi ni Hisus sa kanda magkun, “Pag-ati kamu sa tanan rugar sitay sa babaw daga, itudlu niyu ti Mayad pag Barita sa tanan manga tawu.

Lukas 1:13

Dapat sinabi anghil sa kanya, “Sakaryas, danga magkadala duy, dahil nadnugan Diyus kanmu darangin. Kanmu asawa si Ilisabit aban manganak gid duy anak lalaki, ag siya kanmu paingarnan Huwan.”

Lukas 1:19

Nagsagut ti anghil, “Aku si Gabriyil manugsirbi sa atubangan Diyus. Sinugu aku hampay ipadakit sa kanmu ti mayad pag barita inda.

Lukas 1:30

Magkun ti anghil sa kanya, “Danga kawu magkadala duy, Marya. Dahil kinaawaan kawu Diyus.

Lukas 2:11

Dahil inanak yi taynguna sa Banwa ni Dabid ti Manugribri niyu, imaw ti Kiristu, ti Pinili Diyus Manugribri pag Hari, ti Panginuun.

Lukas 24:47

Ag itudlu sa tanan nasyun, umpisa ginan sa Hirusalim, sa panab-anan niya patawadun Diyus ti manga tawu mag-ampu sa kanda kasalanan.”

Lukas 8:1

Pagka dugay naglakaw si Hisus naglibut sa manga kabanwa-banwahan ag sa manga baryu, kaibahan niya ti sampulu may duwa ka tuludluan niya. Itinudlu niya ti Mayad pag Barita sa manga tawu tungkul sa paghari Diyus. Kaibahan niya ti sampulu may duwa ka tuludluan.

Binwat 13:32

Nakan kami nagsitay hampay itultul sa kanyu ti Mayad pag Barita magkun, ti manga itinaratu Diyus kaybi sa ginurang manga Hudiyu, tinupad yi niya taynguna para sa kanta, una sa kanda manga linahi una sa manga balaw Hudiyu, dahil binuhi niya maan si Hisus. Parihu sa isinurat sa ikadwa pag Kanta magkun, ‘Kawu kang anak, taynguna aku kanmu yi Ama.’

Ruma 10:15

Kabitay pag makatudlu una si unu nu unman siya pagsuguun? Angay sa nisurat magkun, “Anung, pag mangarinu pag lulud ti magdara Mayad pag Barita.”

Ipisu 3:8

Sa tanan manga nasakup sa Diyus aku ti unman may kabuluhan. Dapat una katida nagustuhan diman niya ipakaun sa kangku inda pag buruwatun, hampay itudlu niku sa manga balaw Hudiyu ti Mayad pag Barita tungkul sa abunda ag dayi maaput naisipan pag papalad ginan sa kan Kiristu.

Kulusas 1:23

Kailangan kamu pagmarig-un gid sa kanyu pagsarig sa Mayad pag Barita, danga pagpabay-ani niyu, barang maanggihut kamu ginan sa pag-asa kanyu tinanggap pagka nadnugan niyu ti Mayad pag Barita. Kay nagustuhan Diyus aku si Pablu hampay magsirbi sa Mayad pag Barita. Imaw diman pag Mayad pag Barita ti ipagpaliwanag sa tanan manga tawu.