Lukas 2:1 - Hanunuu

¹ Sa ati katpung nagras-ug kay bilin ni Pangulu Hari Agustu magkun, kailangan sinsuhun ti tanan tawu sa kay kaharian.

Lukas 2:1 Iomraidhean Croise

Istir 10:1

Ti tanan manga tawu sa buu kaharian ni Aswiru pinabayad niya buhis, hanggan ti manga mag-ulian sa puru karaw-an dagat.

Matiyu 22:17

Sabiha duy nimu sa kanmi, hintay sa kanmu mag-isip, mayad nu bumuhis sa Pangulu Hari aw ngatay unman.”

Matiyu 24:14

Itudlu dapu sa bilug kalibutan ti Mayad pag Barita tungkul sa kay paghari Diyus hampay lalu maalaman tanan nasyun. Bag-u di rumas-ug ti katapusan.”

Markus 14:9

Ungud duy kang pagsabihun sa kanyu, una naan pag itudlu ti Mayad pag Barita sa buu kalibutan, hanggan ti binwat babayi matultul diman bilang ga pag-alaala sa kanya.”

Markus 16:15

Sinabi ni Hisus sa kanda magkun, “Pag-ati kamu sa tanan rugar sitay sa babaw daga, itudlu niyu ti Mayad pag Barita sa tanan manga tawu.

Lukas 2:3

Nakan nag-atag maan ti tanan manga tawu sa linahi nida pag banwa hampay magpalista.

Lukas 2:5

Nag-ati ngani si Husi hanggan si Marya kay aguman babayi, hampay magpalista diman. Si Marya kainda magbuduy.

Lukas 3:1

Katpung ikasampulu may lima ka timpu kay maghari ni Tibiryu, nagbagaw ti Diyus sa kan Huwan kay anak ni Sakaryas ati sa pangawakawaan. Ati katpung si Punsiyu Pilatu ti gubirnadur sa Hudiya, si Hirudis waydi ti pangulu sa Galiliya, ag kay patar-ari si Pilipi ti pangulu Ituriya hanggan Tarakuniti; si Lisanyas waydi ti pangulu sa Abilinya. Ati katpung sida ni Anas ni Kaipas ti manga pangulu manughandug.

Binwat 11:28

Tinmindug ti usa, kay ngaran si Agabu. Bag-u siya nagpurupita angay sa kapangyarihan Ispiritu Banal. Magkun siya, “Masyadu aban ti lun-us sa bilug kalibutan Ruma.” Nangyari tunda katpung Pangulu Hari si Kalaudyu.

Binwat 25:11

Nu abi aku naglabag sa batas aw ngatay nu abi aku may binwat kadautan para kang ikamatay, unman diman kang iwasan tunda. Dapat nu unman waydi may pulus kanda manga dimanda laban sa kangku, unman diman kailangan aku ipabahala sa kanda. Kang gustu ipahusay niku kang kasu sa Pangulu Hari.”

Binwat 25:21

Dapat ay sinabi ni Pablu kay gustu ipahusay kay kasu sa Pangulu Hari. Nakan pinabantayan niku siya sa pirisuhan hanggan sa ud maipadara niku siya atag sa Pangulu Hari.”

Ruma 1:8

Una sa tanan, magpasalamat aku sa kang Diyus sa panab-anan ni Hisu-Kiristu dahil sa kanyu tanan, dahil ngani kanyu pagsarig sa kan Kiristu nibantug sa buu kalibutan.

Pilipus 4:22

Ti tanan manga pinili Diyus, lalu yi ti manga magtarabahu sa balay ni Pangulu Hari, magpaingana nu kabitay waydi kamu asan.