Lukas 19:8 - Hanunuu

⁸ Tinmindug si Sakiyu sinmabi sa Panginuun, “Panginuun, kay katunga niku kasiyunan kang ipakaun sa manga pugri. Nu nakasukut aku nagdaya una sa kantapu pag tawu, iuli maan niku durugan upat.”

Lukas 19:8 Iomraidhean Croise

2 Samwil 12:6

Kailangan niya bayadan tugka sa ikap-at pag halaga usa ka karanidu kay bin-ul dahil unman siya naawa.”

Kanta 41:1

Mapalad ti tawu magpasunaid sa manga pugri. Awatan siya Panginuun sa udas kakurian.

Pag-ighit 20:16

“Danga kamu magkastigus balaw tutuu sa kanyu kaparihu.

Kabagawan 6:31

Dapat nu matakdan siya, pabayadun siya pitu ka dubli niya tinakaw, una waya matabu ti tanan niya kasiyunan.

Isikil 33:15

halimbawa, inuli niya ti ipinilinda sa kanya ngatay kay tinakaw, sinunud niya ti manga surundanun magpakaun buhi, bag-u unman siya nagbuwat daut — inda pag tawu pihu mabuhi; balaw siya mamatay.

Bilang 5:7

Kailangan akuun niya kay nabwat kasalanan, ag kailangan bayadan niya buu ti nabwatan niya kadautan, ag dugangan waya 20 ka bahagi kay ibayad.

Lukas 11:41

Kailangan ipakaun niyu sa manga pugri kay sukad niyu manga taya bag-u udyi may daut sa kanyu surundanun.

Lukas 12:33

Ipabili niyu kanyu manga kasiyunan bag-u pagpakaun sa manga pugri kay kabilyanan. Pag-alistu kamu kanyu sukluban balaw magkadaut, tipunun niyu kanyu kayamanan sa langit. Ati unman mabawas ti kayamanan, una mananakaw, una tipakung dayu gumaraw.

Lukas 16:9

Magkun si Hisus, “Pagsabihun gid niku sa kanyu, gamitun niyu kanyu kayamanan sitay sa babaw daga hampay kamu may kakilala mayad. Nu tabu yi kanyu kayamanan, tanggapun di nida kamu sa ulian unman may katapusan.

Lukas 19:7

Pagka nakitan manga tawu si Hisus sinmaka sa kan Sakiyu balay, naglibak sida magkun, “Siya maaw manhapit sa balay makasalanan.”

Lukas 7:13

Pagka nakitan siya Panginuun, kinaawan niya ti babayi. Magkun si Hisus, “Danga maglumi duy kawu.”

Lukas 7:19

bag-u kay sinugu sida atag sa Panginuun magkun, “Sabiha niyu sa kan Hisus, ‘Kawu aw ngani ti pagsabihun manga purupita kuntay sumitay, aw ngatay mag-alagad waya kami sa iba?’ ”

1 Samwil 12:3

Atay aku taynguna sa kanyu atubangan. Nu may nabwat aku daut sa kanyu, sabiha lang niyu sa kangku sa atubangan Panginuun hanggan sa kay pinili pag hari. May inapu aw aku baka ngatay asnu? May dinaya aw aku ngatay ginipit? Nagtanggap aw aku suhul hampay bul-an halaga ti kasalanan nabwat usa ka tawu? Nu mapatutuuhanan niyu nabwat niku inda pag manga bagay, iuli di niku inda.”