Lukas 19:47 - Hanunuu

⁴⁷ Nagtudlu diman gid siya sirang-sirang sa sulud Balay Diyus. Paggayakun siya matyun manga pangulu manughandug, manga manugtudlu Kasuguan hanggan manga takinan nasyun.

Lukas 19:47 Iomraidhean Croise

Matiyu 21:23

Pagka sinmaka si Hisus sa Balay Diyus, nagpakarani sa kanya ti manga pangulu manughandug hanggan ti manga paggurangunun manga Hudiyu sa kay katpung magtudlu. Sinabi nida sa kanya magkun, “Naan ginan kanmu karampatan nakan kanmu pagbuwatun inda pag manga bagay? Hintay ti nagpakaun karampatan sa kanmu?”

Matiyu 26:55

Bag-u napasrangu siya atag sa manga tawu magkun, “Aku lugud tulisan aw, nakan nagsitay kamu may dara baladaw, manga pamakul hampay dakpun aku? Sirang-sirang diman waydi magtukaw aku sa Balay Diyus magtudlu, bati unman waydi niyu dinakup?

Markus 11:18

Nadnugan diman tunda manga pangulu manughandug hanggan manga manugtudlu Kasuguan. Siyun ginan naghanap sida paraan hampay kanda ipamatay si Hisus. Magkadala sida sa kanya dahil ti tanan tawu nadulaw sa kay adal.

Markus 12:12

Alam manga takinan Hudiyu kuntay sida yi ti pagpatamaan pahalimbawa ni Hisus. Nakan naghanap sida paraan hampay madakup siya dapat nadala sida sa kayamuan tawu. Nakan siya kanda yi lang pinatawasan.

Markus 14:1

Duwa wadi ka sirang bag-u Kapistahan yi sa Pag-alaala sa Karibrihan hanggan Kapistahan manga Tinapay unman may Pamadaka. Pag-isipun yi manga pangulu manughandug hanggan manga manugtudlu Kasuguan nu kabitay kanda ipadakup si Hisus sa lihim bag-u ipamatay.

Markus 14:49

Sirang-sirang asan diman waydi aku sa Balay Diyus pag magtudlu. Bati unman waydi niyu dinakup aku. Nakan nangyari inda hampay matupad ti manga Kasuratan.”

Lukas 19:48

Dapat unman diman may mag-akitan sida paraan dahil lalu mahal kay magpatingi tanan tawu sa kay manga pagsabihun.

Lukas 20:19

Ti manga manugtudlu Kasuguan hanggan ti manga pangulu manughandug naghanap paraan hampay madakup si Hisus ati katpung, dahil nasalman nida sida ti pinatamaan sa kay pahalimbawa niya. Dapat nadala sida sa manga tawu.

Huwan 10:39

Pagkaibgan maan nida dakpun si Hisus dapat siya nalagiw ginan sa kanda atubangan.

Huwan 18:20

Sinmagut si Hisus magkun, “Sa pagkaburayhawan aku pag naghampang sa kayamuan tawu. Pirmi aku magtudlu sa simbahan manga Hudiyu hanggan sa Balay Diyus. Unman aku nagtultul sa lihiman.

Huwan 7:19

Sinabi ni Hisus magkun, “Unman aw ipinakaun ni Muysis sa kanyu ti Kasuguan? Dapat sa kanyu tanan unman may magtupad sa Kasuguan una di usa. Hayga aku kanyu pagkaibgan matyun?”

Huwan 7:44

May manga tawu ati kanda gustu siya dakpun yi, dapat unman may tawu nakadakup sa kanya.