Lukas 19:29 - Hanunuu

²⁹ Pagka siya arani yi sa baryu Bitpagi ag sa baryu Bitanya sugkad Bantud Ulibu, sinugu niya kay duwa ka tuludluan

Lukas 19:29 Iomraidhean Croise

Sakaryas 14:4

Sa tunda pag sirang, tumindug siya sa Bantud manga Ulibu, sa butlakan Hirusalim. Matunga inda pag bantud ginan sa butlakan tugka sa isalpan. Ti katunga bantud maisdug tag sa salatan ag ti katunga waydi maisdug tag sa kanaway, ag bumaliw inda maluang pag luung sa karaw-an.

Matiyu 21:17

Bag-u nagpatawas si Hisus sa kanda, linmakaw siya tag sa luwas banwa tabug sa baryu Bitanya, ati siya pag nigya.

Lukas 19:30

magkun, “Pag-ati kamu sa usa waya ka baryu. Nu kamu magsulud yi sa baryu sab, susun makakit kamu anak asnu mahigtan udwaya sinakyan tawu. Lubada niyu tunda, daran-a sitay tag.

Lukas 19:37

Pagka arani yi siya sa banwa Hirusalim maglus-ug yi siya sa bantud Ulibu bag-u ti bilug kayamuan tuludluan nag-umpisa magbaya magdayaw sa Diyus ainalsa kanda busis, dahil sa tanan makamaskihan buwat kanda nakitan.

Lukas 21:37

Sirang-sirang magtudlu si Hisus sa Balay Diyus. Yabi yabi mag-ati siya mag-igya sa bantud Ulibu.

Lukas 22:39

Naglakaw yi si Hisus tabug sa bantud Ulibu ga kay diman ugali. Nagkuyug kay manga tuludluan.

Lukas 24:50

Tinaban sida ni Hisus tag sa luwas banwa sa may baryu Bitanya. Ahinunat niya kay manga kamang sa kanda tungud ulu, pinapaladan niya sida.

Binwat 1:12

Bag-u nagbalik maan ti manga apustul sa Hirusalim ginan sa pagsabihun pag bantud Ulibu, udyi magkausa ka tamaan ginatung kay karayu.