Lukas 19:28 - Hanunuu

²⁸ Pagka itinultul ni Hisus inda pag pahalimbawa, nag-una siya nagtukad atag sa Hirusalim.

Lukas 19:28 Iomraidhean Croise

Lukas 10:30

Sinmagut maan si Hisus magkun, “May usa ka tawu maglus-ug ginan sa Hirusalim tag sa Hiriku. Pagka sa dalan pinuutan siya manga tulisan. Kanda inagaw kay manga dara bag-u sinaktan, kanda magtayak magkamatay yi.

Lukas 12:50

May paglakawan waya aku aban usa ka tulbaw. May kabuyatan gid aku sa kang tagipusuun hanggan sa udwaya matupad kang tulbaw.

Lukas 18:31

Pagka ipinablag ni Hisus kay sampulu may duwa ka tuludluan, sinabi niya sa kanda magkun, “Pagpatingi duy kamu, kita sa dalan yi tag babaw tag sa banwa Hirusalim. Nu ati yi kita tupadun gid ti tanan isinurat manga purupita tungkul sa Anak Tawu.

Lukas 9:51

Pagka arani yi kay kaudasan tanggapun si Hisus sa langit, udyi natalinduwa kay naisipan, linmakaw siya atag sa Hirusalim.

Huwan 18:11

Sinabi ni Hisus sa kan Pidru magkun, “Suulan yi duy nimu kanmu baladaw. Dayuun aw lugud inmun niku inda pag ungut may kakurian kay ipinakaun Ama sa kangku?”

Hibriyu 12:2

Bantayan nita kanta manuggiya si Hisus. Siya diman ti turunu nita sarig. Dahil kabayaan kay patabgan, nakan inagwanta yi lang niya madi ipinurya siya sa kay pagkamatay sa kurus. Bag-u tinmukaw siya ati sa langit baliwa sa sikun Diyus, minsan sa karampatan Diyus.

1 Pidru 4:1

Nag-agwanta si Kiristu sa kakurian sa kay buhi sitay sa babaw daga, nakan ngani una kamu pag-alistu sa kanyu naisipan hampay mag-agwanta waydi. Dahil ti tawu nu mag-agwanta sa kakurian sa kay buhi sitay sa babaw daga, napatlikud yi siya ginan sa kasalanan.