Lukas 18:32 - Hanunuu

³² Dahil ipabahala siya sa manga balaw Hudiyu, surugun, pauyaun, bug-anan siya,

Lukas 18:32 Iomraidhean Croise

Isayas 50:6

Isinarangu niku kang dayu sa manga nagbakul sa kangku ag isinarangu diman niku kang uyahun sa manga nag-ayit kang bungut. Pinabay-anan niku sida pakay-ahun aku hanggan bug-anan kang uyahun.

Isayas 52:14

Mayamu ti madiklahan sa kanya, dahil harus mawayak yi kay uyahun ga balaw yi uyahun tawu.

Isayas 53:3

Pinuyaan siya ag ipinurya manga tawu. Nakalakaw siya sakit ag kakurian. Pinatlikudan nita siya, pinuyaan, ag balaw pinahalgaan.

Mikas 5:1

Manga taga Hirusalim, alistuhan niyu kanyu manga sundalu, dahil nasangputan yi kamu manga kalaban. Bakulun nida sugkud ti uyahun takinan Israil.

Matiyu 16:21

Siyun ginan ipinaalam yi ni Hisus sa kay manga tuludluan kailangan siya umati sa Hirusalim. Pagka ati pakurian siya masyadu manga paggurangunun manga Hudiyu, manga pangulu manughandug hanggan manga manugtudlu Kasuguan bag-u kanda ipamatay siya. Dapat sa ikatlu pag sirang mabuhi maan siya uman.

Matiyu 20:19

Bag-u kanda ipabahala siya sa manga balaw Hudiyu, hampay kanda muransahun, hampakun, bag-u ipaku yi nida sa kurus. Dapat sa ikatlu pag sirang mabuhi maan siya uman.”

Matiyu 22:6

Dinakup di ngap manga iba ti manga panawuhun hari kanda inunu-unu rargu ngap minatay nida.

Matiyu 26:67

Bag-u binug-anan nida siya sa kay uyahun bag-u kanda sinuntuk. Sinampal waya siya manga iba magkun,

Matiyu 27:2

Kanda pinagapus siya bag-u kanda dinara hampay ipabahala siya sa kan Gubirnadur Pilatu.

Markus 14:65

Bag-u ti iba sa kanda nagbuga sa kan Hisus. Tinakluban nida kay mata bag-u kanda sinuntuk siya magkun, “Hulaan nimu, si unu ti nagsuntuk sa kanmu?” Pagka iinintirga yi si Hisus sa manga bantay, nagsuntuk diman waydi sida sa kanya.

Markus 15:1

Pagka surip, nagpululungan dapu ti manga pangulu manughandug, ti manga paggurangunun manga Hudiyu, ti manga manugtudlu Kasuguan hanggan ti Katipunan manga Pinunu. Bag-u kanda pinagapus si Hisus, kanda dinara, ipinabahala yi sa kan Pilatu.

Lukas 18:33

ag hampakun nida siya bag-u matyun. Dapat sa ikatlu pag sirang mabuhi siya uman.”

Lukas 23:1

Pagka nakatapus kanda pululungan nagtindug sida tanan-tanan, dinara nida si Hisus sa atubangan ni Gubirnadur Pilatu.

Lukas 23:11

Minsan sa kan Hirudis kay manga sundalu inurug nida si Hisus, kanda hinangalhangal. Kanda pinabistihan marinu pagka rutay bag-u ipinabalik siya tag kan Pilatu.

Lukas 23:35

Matindugan magbantay ti manga tawu taga banwa. Paghangal-hangalun siya manga pinunu magkun, “Irinibri niya ti manga iba, ribrihan waydi niya kay sadili bilug, nu ungud siya ti Pinili Diyus Manugribri pag Hari.”

Huwan 18:22

Pagka sinabi ni Hisus tunda, sinampal siya usa ka pulis matindugan siyun. Sinabi pulis magkun, “Katida aw lugud kanmu isagut sa Pangulu Manug-asiwa Balay Diyus?”

Huwan 18:28

Pagka surip yi dinara nida si Hisus ginan sa kan Kaipas balay tag sa balay gubirnadur. Ti manga pinunu Hudiyu unman nagsaka, dahil daut sa kanda tun-anun nu sumaka sa balay balaw Hudiyu, barang unman sida mahimu makakaun sa karan-an sa Pag-alaala sa Karibrihan.

Huwan 18:30

Sinmagut sida magkun, “Nu abi inda pag tawu unman nagbuwat daut, balaw mana daran-un nimi sitay tag sa kanmu.”

Huwan 18:32

Katida ti nangyari hampay matupad kan Hisus sinabi pagka ipinaalam niya nu sa kabitay pag kamatayan kay malakawan niya aban.

Huwan 18:35

Sinmagut si Pilatu magkun, “Aku lugud Hudiyu aw? Kanmu manga kaparihu Hudiyu hanggan ti manga pangulu manughandug ti nagdara sa kanmu sitay tag sa kangku. Hintay kanmu binwat?”

Binwat 2:23

Si Hisus ipinahintulut sa kanyu angay sa kay nalub-anan gayak Diyus. Bag-u kanyu apinapaku sa kurus ipinamatay sa manga tawu balaw Hudiyu.

Binwat 3:13

Bukun duy katida. Ti Diyus ni Abraham, ni Isaak, ni Hakub, hanggan nita manga ginurang imaw ti nagpakakit kay daka gid pag kamaskihan ni Hisus kay suruguun Diyus. Dapat kanyu ngap ipinabahala siya sa manga pinunu Hudiyu bag-u kanyu dinayu sa atubangan ni Pilatu, madi kay mana gustu palpasan di si Hisus.