Lukas 18:20 - Hanunuu

²⁰ Alam yi nimu ti Kasuguan magkun, ‘Danga kawu magpanguragin, danga kawu maglibun sa kanmu kaparihu, danga kawu magtakaw, danga kawu magpudil sa kanmu magkastigus, galanga nimu kanmu ama kanmu ina.’”

Lukas 18:20 Iomraidhean Croise

Isayas 8:20

Ti kasuguan ag ti itinudlu Panginuun ti kailangan niyu patingihan. Nu may magsabi manga bagay salumpang sa manga pag-itudlu Panginuun, magkadluman waya kay naisipan tunda pag tawu.

Lukas 18:19

Nagsagut si Hisus sa kanya magkun, “Hayga duy aku kanmu pagsabihun mayad? Unman may mayad nu unman ti Diyus lang.

Lukas 18:21

Bag-u nagsabi tunda pag tawu magkun, “Ginan di waya sa kang diit tinupad niku tunda tanan.”

Ruma 13:9

Ti manga sugu Diyus magkun, “Danga kawu mag-uragin, danga kawu maglibun tawu, danga kawu magtakaw, danga kawu maghirak,” ag una hintay waya pag manga sugu parihu sa kainda. Tunda tanan-tanan namhan sa inda pag hampang magkun, “Mahala nimu kanmu kaparihu parihu sa kanmu sadili.”

Ruma 3:20

Nakan unman gid may tawu pagkilalan-un Diyus kuntay siya matadlung nu dahil lang sa kay pagtupad sa Kasuguan. Kabay ginan ngap sa Kasuguan pag makilala ti kasalanan.

Ipisu 6:2

Kay sabi sa Banal Kasuratan magkun, “Galanga nimu kanmu ama hanggan kanmu ina hampay kawu umalwan kanmu kahamtangan ag lumawig kanmu buhi sa kanmu ulian pag daga.” Inda ti un-an pag sugu may tapil taratu.

Kulusas 3:20

Kamu pag manga anak, pagpirmi pagsunud sa kanyu manga gurang, dahil katida gid ti pagbayaun Panginuun.