Lukas 18:18 - Hanunuu

¹⁸ May usa ka paggurangunun manga Hudiyu ti nagpaingana sa kan Hisus magkun, “Mayad pag Maisturu, hintay nguna kang buwatun hampay matanggap niku ti buhi unman may katapusan?”

Lukas 18:18 Iomraidhean Croise

Isikil 33:31

Nakan magpakarani kang nasakupan sa kanmu ag ga magkaibug gid sida magpatingi sa kanmu, dapat kay tutuu unman nida pagtupadun kanmu pagsabihun. Mayad lang sida magbagaw kuntay pagmahalun nida aku, dapat ti sa sulud nida tagipusuun imaw ti maramuun sa kuwarta.

Malakyas 1:6

Magkun sa manga manughandug ti Panginuun Makamaskihan, “Pag-igalang anak kay ama ag pag-igalang suruguun kay amu. Dapat bati aku kanyu ama ag amu unman niyu pag-igalang? Paglabagun waya niyu aku, bag-u magkun kamu, ‘Kabitay nimi kawu pag linabag?’

Lukas 18:19

Nagsagut si Hisus sa kanya magkun, “Hayga duy aku kanmu pagsabihun mayad? Unman may mayad nu unman ti Diyus lang.

Lukas 6:46

Sinabi ni Hisus magkun, “Hayga lugud aku kanyu pagpakaingarnan Panginuun, Panginuun, bag-u unman diman kanyu pagtupadun kang pagbagawun sa kanyu?

Binwat 16:30

Ipinaluwas niya sida sa pirisuhan, bag-u kay sinabi sa kanda magkun, “Hintay nguna duy kang kailangan buwatun hampay aku maribri?”

Binwat 2:37

Pagka nadnugan manga tawu kan Pidru paliwanag, naaburidu kanda naisipan. Namaingana sida sa kan Pidru hanggan sa iba manga apustul magkun, “Manga patar-ari, kabitay wadi duy kami inda?”