Lukas 18:14 - Hanunuu

¹⁴ Magkun si Hisus, “Pagsabihun niku sa kanyu, nuli yi inda pag lalaki pinakan-an siya kahusayan sa atubangan Diyus, dapat tunda pag Parisiyu unman. Dahil ti kada magpalabaw-labaw ipaababa. Dapat tigpakumbaba, ipaabwat ngap Diyus.”

Lukas 18:14 Iomraidhean Croise

Hub 22:29

Nu may imaw tawu magpanlumuy, ag nu idarangin nimu siya sa Diyus kuntay pabisuga siya, awatan niya tunda pag tawu.

Hub 25:4

Kabitay makasabi ti usa ka tawu kuntay matadlung siya sa atubangan Diyus? May imaw aw lugud nianak unman may alangan?

Hub 9:20

Una waya unman aku may kasalanan, parusahan diman aku dahil sa kang manga binagaw sa pagbaliwa niku sa kang sadili.

Kanta 138:6

Panginuun, una labaw kawu sa tanan, magpasunaid kawu sa manga makuri kay kahamtangan; dapat magpakarayu kawu sa manga tawu marapadayaw-dayaw.

Kanta 143:2

Danga aku pagsintinsiyahi kanmu manugsirbi, dahil unman may una usa ti matadlung sa kanmu atubangan.

Pag-ighit 18:11

Naalaman niku taynguna mas makamaskihan ti Panginuun sa tanan diyus, dahil irinibri niya ti manga Israilita sa manga Ihipsiyu mag-api sa kanda.”

Kabagawan 15:33

Ti paggalang sa Panginuun ikadunung gid tawu, ag ti pagpakumbaba makapakaun kadayawan.

Kabagawan 18:12

Ti pagpadayaw-dayaw makapadamhak, dapat ti pagpakumbaba makaparangal.

Kabagawan 25:7

Mayad nu ti hari ti magsabi pagtukaw kawu siyun kaysa sabihan kawu niya danga siyun, ag mangay-a kawu sa atubangan paggalangun pag manga tawu.

Kabagawan 29:23

Ti kayabangan tawu makapakaun sa kanya kakay-ahan, dapat ti pagpakumbaba tawu makapakaun sa kanya kadayawan.

Kabagawan 3:34

Pagpuyaan niya ti magpuya, dapat pagkaawaan niya ti mapinakumbabaun.

Manugtudlu 9:7

Sigi, pagkaun kawu ag pag-inum intus pag may kabayaan, dahil ipinahintulut yi Diyus kaybi di waya inda kanmu buwatun.

Isayas 45:25

Sa awat Panginuun ti tanan linahi ni Israil makalakaw panalu may katuwiran ag dumayaw sida sa kanya.

Isayas 53:11

Nu makitan niya kay burak niya kakurian, makabaya siya. Magkun ti Panginuun, “Sa panab-anan kadunungan niku matadlung pag manugsirbi, mayamu ti kilalan-un niya matadlung, mangagwanta siya para sa kanda manga kasalanan.

Isayas 57:15

Inda waya ti pagsabihun Kaabwat-abwatan pag Diyus, ti Banal pag Diyus buhi hanggan aban: “Mag-uli aku sa abwat ag banal pag rugar, dapat mag-uli diman aku kaibahan manga tawu mapinakumbabaun ag mapinatawadun, hampay sida kang pabisugun.

Isayas 66:2

Unman aw aku ti nagbuwat sa tanan bagay. Aku ti Panginuun ti magsabi inda. “Pagpahalgaan niku ti manga tawu mapinakumbabaun, marapatawad, ag magkadala sa kang manga bagaw.

Danyil 4:37

Nakan taynguna pagdayawun niku ag pagkilalan-un ti Hari langit, dahil hustu ag matadlung ti tanan niya pagbuwatun, ag pag-ipaababa niya ti una si unu ti magpadayaw-dayaw.”

Habakuk 2:4

Kaindaay kanmu isurat: “Bantayi ti manga tawu palabi-labihun! Manga daut sida pag tawu. Dapat ti matadlung pag manga tawu mangabuhi dahil sa kanda pagsarig.

Matiyu 23:12

Una si unu nu magpalabaw-labaw ipaababa ngap Diyus, dapat ay tigpakumbaba imaw ngap ti pahalgaan Diyus.”

Matiyu 5:3

“Papaladan Diyus ti manga tawu nu udyi may pagsarigan sa kanda sadili, dahil sa kanda ti kaharian langit.

Lukas 1:52

Kay binahasan katungkulan ti manga hari, Ag itinaas ti manga unman may kangaranan.

Lukas 10:29

Balaw may gustu ti manugtudlu Kasuguan mahantup kuntay salan kay paingana nakan magkun siya sa kan Hisus, “Si unu nguna kang kaparihu tawu?”

Lukas 14:11

Dahil ti kada magpalabaw-labaw ipaababa ag ti mapinakumbabaun ipaabwat.”

Lukas 16:15

Dapat sinabi ni Hisus sa kanda magkun, “Kamu magpabalhinguun lang sa atubangan manga tawu, dapat alam di gid Diyus kanyu manga tagipusuun. Dahil ti pagpahalagahan manga tawu, pagbugyahan sa kay magbantay Diyus.

Ruma 3:20

Nakan unman gid may tawu pagkilalan-un Diyus kuntay siya matadlung nu dahil lang sa kay pagtupad sa Kasuguan. Kabay ginan ngap sa Kasuguan pag makilala ti kasalanan.

Ruma 4:5

Dapat pagkilalan-un kita Diyus matadlung, una makasalanan kita balaw dahil sa kanta binwat mayad, nu unman dahil sa kanta pagsarig sa kanya.

Ruma 5:1

Nakilala yi ngani kita Diyus kuntay manga matadlung dahil sa kanta sarig sa kanta Panginuun Hisu-Kiristu. Nakan ginan diman sa kanta pagsarig sa kan Kiristu pinaunyun kita atag sa Diyus.

Ruma 8:33

Si unu lugud ti pumanghas magsumbung laban sa manga tawu pinili yi Diyus? Udyi! Diyus kabay ti magkilala sa kanda kuntay sida manga matadlung.

Galasya 2:16

alam nimi pagkilalan-un Diyus ti tawu kuntay siya matadlung nu sumarig siya sa kan Hisu-Kiristu ag unman dahil sa kay magtupad sa Kasuguan. Hanggan kami manga Hudiyu magsarig sa kan Kiristu Hisus hampay pagkilalan-un Diyus kami matadlung, dahil sa kanmi pagsarig sa kan Kiristu ag unman dahil sa kanmi magtupad sa Kasuguan. Dahil dayu kilalan-un Diyus ti tawu kuntay matadlung nu ginan lang sa kay pagtupad sa Kasuguan.

Santiyagu 4:10

Pagpakumbaba kamu sa atubangan Panginuun, bag-u kamu paabwatun niya.

Santiyagu 4:6

Dapat masyadu diman marig-un kay awat Diyus sa kanta. Dahil magkun ti Banal Kasuratan, “Ti Diyus lumaban sa manga mayabang, dapat mag-awat sa manga mapinakumbabaun.”

1 Samwil 1:18

Sinmagut si Hana, “Salamat duy sa kanmu.” Linmakaw yi siya ag nangaun, balaw yi maruku kay uyahun.