Lukas 18:12 - Hanunuu

¹² Kada usa ka sulud duminggu kadwa ginan aku unman maghandum karan-unun. Magpakaun aku ikasampulu tanan niku mag-akitan.’

Lukas 18:12 Iomraidhean Croise

2 Hari 10:16

Magkun si Hihu, “Pagkuyug kawu sa kangku hampay makitan nimu kang pagkamatinupadun sa Panginuun.” Nakan sinmakay si Hihunadab nagkuyug sa kanya.

Isayas 1:15

“Nu mandarangin kamu balaw niku kamu pansinun. Una paulit-ulit waya kamu mandarangin balaw niku kamu patingihan dahil mayamu kanyu minatay pag tawu.

Malakyas 3:8

Mamaingana waydi aku sa kanyu, mahimu aw lugud ti tawu manakaw sa kangku? Unman mahimu! Dapat kamu, pagtakawan niyu aku. Ag kainda magpaingana waya kamu, ‘Kabitay nimi kawu tinakawan?’ Pagtakawan niyu aku dahil unman kamu mag-ayaw kanyu manga ikasampulu ag manga handug.

Bilang 18:24

Bagkus ngap, ipakaun niku sa kanda bilang huray nida ti ikasampulu pag ayaw manga Israilita bilang handug nida sa kangku. Tunda ngani kang pagsabihun sa manga Libita unman sida may manahun daga sa Israil.”

Bilang 23:4

Napakakit ti Diyus sa kanya, magkun si Balaam, “Nagpabuwat aku pitu ka harandugan, sa kada harandugan naghandug aku usa ka baka hanggan usa ka karanidu.”

Matiyu 5:20

Nakan kang pagsabihun sa kanyu, nu balaw niyu mahigitan ti pagtupad manga manugtudlu Kasuguan hanggan manga Parisiyu, dayu kamu makapasakup sa kaharian langit.”

Matiyu 6:1

Magkun si Hisus, “Pag-ingat kamu, danga magpakakit-kakit lang sa atubangan manga tawu kanyu buwat mayad. Nu katunda kanyu buwat unman kamu may matanggap pirimyu ginan sa kanyu Ama sa langit.

Matiyu 6:16

Magkun si Hisus, “Nu kamu unman maghandum karan-unun, kanyu manga uyahun danga magmarukumaruku, danga kamu parihu sa manga magpabalhinguun kuntay mayad. Unman sida mag-ayus kanda sadili hampay makitan manga tawu sida unman maghandum karan-unun. Ungud duy kang pagsabihun sa kanyu, natanggap yi nida kanda pirimyu.

Matiyu 6:5

Magkun si Hisus, “Nu magdarangin kamu, danga kamu maghuwad sa manga magpabalhinguun kuntay mayad. Maraibgun sida magdarangin matindugan sa manga simbahan manga Hudiyu una sa pagsangahan baklayan hampay makitan sida manga tawu. Ungud duy kang pagsabihun sa kanyu, natanggap yi nida kanda pirimyu.

Matiyu 9:14

Nagras-ug sa kan Hisus kan Huwan Manugtulbaw pag manga tuludluan. Magkun sida, “Hayga duy may ugali kami hanggan ti manga Parisiyu unman maghandum karan-unun. Bati kanmu manga tuludluan unman may ugali katida?”

Lukas 11:42

“Dapat anung kaawaawa kamu pag manga Parisiyu, dahil kamu magpakaun ikasampulu manga pamanglu sa upi hanggan tanan manga urupiun, dapat kanyu kinalimtan ngap ti katadlungan hanggan ti pagmahal sa Diyus. Kailangan kanyu tupadun ti katadlungan hanggan ti pagmahal sa Diyus, dapat danga waydi paglimti ti manga ikasampulu, pagpakaun di.

Lukas 17:10

Nakan katunda diman kamu nu tinabu sinunud niyu ti tanan pag isinugu sa kanyu, sabiha niyu, ‘Unman nimu mapakinabangan kami pag manga panawuhun, dahil natupad lang waydi nimi ti dapat nimi buwatun.’ ”

Ruma 3:27

Hintay nangus kanta ipadayaw-dayaw? Unman duy may ipadayaw-dayaw kita. Hayga unman? Dahil lang aw nguna sa kanta nagtupad sa Kasuguan? Bukun ay, nu unman dahil sa kanta pagsarig sa kan Kiristu.

1 Kurintu 1:29

Nakan una di usa ka tawu unman may makapadayaw-dayaw sa atubangan Diyus.

Galasya 1:14

Masyadu gid masipag aku sa kang surundanun ati katpung balaw lang ga kanda sipag tanan manga kaidad niku pag manga Hudiyu. Lubus matinupadun aku sa bilin itinayak niku manga ginurang.

Ipisu 2:9

Bukun dahil sa kanyu sadili manga buwat, nakan balaw waydi may ipadayaw-dayaw una si unu.

1 Timutiyu 4:8

May pakinabang diman nu magpaantigu ti bilug. Dapat lalu waya may pakinabang nu mangungud kita kanta bilug hanggan tagipusuun sa kanta turunu marapasakup sa Diyus. Dahil nu katida kita pag mag-ugali, may patabgan di kita kaayadan balaw lang sa kainda pag buhi, lalu waya sa ikadwa pag buhi.

1 Samwil 15:13

Inati ni Samwil si Saul. Pagka nagsampak sida, sinabihan siya ni Saul magkun, “Papaladan kawu Panginuun! Sinunud niku ti manga sugu Panginuun.”