Lukas 18:1 - Hanunuu

¹ Itinultul ni Hisus sa kay manga tuludluan ti usa ka halimbawa, kay gustu sabihun kailangan sida magdarangin pirmi, danga maglubay kanda naisipan.

Lukas 18:1 Iomraidhean Croise

Kanta 102:17

Pagsagtun niya ti darangin manga kaawaawa; balaw niya dayuun kanda darangin.

Kanta 27:13

Dapat magpaniwala gid malakawan niku kanmu kaayadan habang magkabuhi aku sitay sa babaw daga.

Kanta 65:2

Ti tanan tawu pumakarani sa kanmu dahil pagsagtun nimu ti manga darangin.

Kanta 86:3

Panginuun, kaawai nimu aku dahil buu sirang aku magtawag sa kanmu.

Isayas 40:31

dapat ti manga magpaniwala sa Panginuun magkaimaw di kabisugan. Lumayang sida parihu sa agila. Una malagiw sida balaw gasaun. Manlakaw sida dapat balaw manlumuy.

Isayas 62:7

Danga niyu siya pag-apasi tugka sa maipatindug uman niya ti Hirusalim ag buwatun rugar kadayaw-dayaw sa buu kalibutan.

Hirimyas 29:12

Nu katida, manawag ag mandarangin kamu sa kangku, patingihan niku kamu.

Hunas 2:7

Igu ga mamatay yi aku, nagdangup aku sa kanmu, Panginuun. Ag pinatingihan nimu kang darangin ati sa kanmu banal pag Balay.

Lukas 11:10

Dahil ti tawu nu maghagad pakan-an, ti tawu nu maghanap may makitan siya, tigtaragham ginan sa luwas bukasan sa kanya ti sabian.

Lukas 21:36

Pagmaimatahan gid kamu. Pagdarangin pirmi hampay una kamu lumakaw sa tunda pag kakurian, lumapus di kamu ag makatindug sa atubangan niku, sa Anak Tawu.”

Ruma 12:12

Pagbaya kamu dahil sa kanyu pag-asa. Pagmatugway kanyu naisipan una sa kakurian, ag pirmi pagdarangin.

2 Kurintu 4:1

Dahil sa pangaawa Diyus pinili niya kami sa inda pag buruwatun, nakan ngani matutum kanmi naisipan.

Galasya 6:9

Nakan ngani danga kita magsuku sa magbuwat mayad. Nu sa kay yi kaudasan aban, kita makaani nu unman kita magsuku.

Ipisu 6:18

Tanan-tanan inda buwata niyu pag may darangin paghagad awat sa Panginuun. Pagdarangin kamu sa kada udas angay sa kay udyuk Ispiritu Banal. Nakan ngani pagpirmi gid kamu alistu, dag-apas kamu sa darangin sa tanan manga nasakup sa Diyus.

Pilipus 4:6

Danga kamu magkaarimputu sa una hintay pag bagay. Bagkus ngap pagdarangin kamu paghagad sa Diyus kanyu kailangan pag may pasalamat diman.

Kulusas 4:12

Pagkamustahun diman kamu ni Ipapras kasimanwa diman niyu, panawuhun diman ni Kiristu Hisus. Pirmi siya magpangungud sa darangin hampay kamu parig-unun Diyus, unman may ikasabi ag lubus masurundun sa kagustuhan Diyus.

Kulusas 4:2

Danga magsuku kamu sa magdarangin. Pangungud kamu sa darangin pag may pasalamat.

1 Tisalunika 5:17

Danga mag-ampu sa magdarangin.

1 Samwil 1:12

Habang parargu kay magdarangin ni Hana sa Panginuun, nakitan ni Ili magtibtibut kay bibig ni Hana dapat unman mag-asaydan kay pagsabihun. Kay isip ni Ili langu si Hana.