Lukas 17:3 - Hanunuu

³ Pagdahan kamu. “Nu magkasala kanmu patar-ari sa kanmu, tamyawa siya bag-u nu iampu niya kay kasalanan, patawadun nimu siya.

Lukas 17:3 Iomraidhean Croise

Kanta 141:5

Tanggapun niku ti parusa ag pagsungyaw tawu matadlung, dahil pagbuwatun nida inda may pagmahal ag may pasunaid sa kangku. Inda ga lana ulibu sa kang ulu. Dapat sa daut pag manga tawu pirmi aku magdarangin laban sa kanda daut pag buwatun.

Pag-ighit 34:12

Pihuun nimu balaw kawu mamuwat kasunduan sa manga tawu sa tunda pag daga kanyu atihan, dahil bumaliw dit-ag tunda para sa kanyu.

Kabagawan 17:10

Ti madunung pag tawu magdunung sa usa lang ka pagtamyaw, dapat ti kurang kay intindi pag tawu unman gid magdunung una waya pira siya ka bisis hampakun.

Kabagawan 27:5

Mayad waya tamyawun nimu parangkahan ti usa ka tawu kaysa pagmahalun nimu dapat pagpabay-anan diman.

Kabagawan 9:8

Danga pagsungyawa ti tawu magpuya dahil kagalitan kawu niya. Sungyawa ti madunung pag tawu ag mahalun kawu niya.

Libitiku 19:17

Danga niyu pagkagaliti kanyu kaparihu. Paalalahani niyu siya nu nagsalan hampay unman kamu may saragtun.

Matiyu 18:21

Nagpakarani si Pidru nagpaingana sa kan Hisus magkun, “Panginuun, manga pira ka pagpatawad niku sa kang patar-ari nu paulit-ulit siya magkasala sa kangku? Pitu aw duy ka pagpatawad?”

Lukas 21:34

“Dapat pag-aman kamu barang magumun kamu sa kasulungan hanggan sa maglangu ngatay sa subra pag irisipun tungkul sa kanyu kahamtangan sitay sa babaw daga. Barang bigla rumas-ug sa kanyu tunda pag kaudasan ga suduk kamu unman alistu.

Ipisu 5:15

Nakan ngani pagmadahan yi gid kamu sa kanyu mag-ugali. Pag-ugali kamu parihu sa manga matinudukun, danga parihu sa manga unman may namuangan.

Diyuturunumiyu 4:15

“Katpung nanhampang sa kanyu ti Panginuun ginan sa basad apuy ati sa Bantud Sinai, unman kamu may nakitan histuda Panginuun. Nakan ngani bantayi niyu kanyu manga sadili

Diyuturunumiyu 4:23

Dapat pag-aman kamu hampay balaw niyu malimtan ti kasunduan binuwat Panginuun niyu Diyus. Danga kamu magbuwat manga diyus-diyusan sa histuda una hintay pag bagay, dahil pag-irangan gid inda Panginuun niyu Diyus.

Diyuturunumiyu 4:9

Dapat pag-aman kamu! Danga niyu pag kalimti ti binwat Panginuun kanyu nakitan. Kailangan pumirmaminti inda sa kanyu tagipusuun habang magkabuhi kamu. Itudlu niyu inda sa kanyu manga anak hanggan sa kanyu manga kaumputan.

Hibriyu 12:15

Pagdahan kamu hampay unman may pumatlikud sa kanyu tanan sa kay pakaun Diyus karibrihan. Barang may magtubu ga ilamnun mapait sa kanyu bag-u miabay ti mayamu ngap pag patar-ari sumimray sa katutuuhanan.

Santiyagu 5:19

Manga patar-ari niku, nu may nagsimray sa kanyu ginan sa katutuuhanan ag nu may usa ka patar-ari nagbawi sa kanya,

2 Huwan 1:8

Pag-aman kamu hampay unman madura ti kanyu binudlayan, ag hampay lubus gid matanggap niyu kanyu pirimyu.