Lukas 17:29 - Hanunuu

²⁹ Dapat pagka nighit lang sa Suduma si Lut, ati katpung pag sirang nalagpak ginan sa langit ti apuy hanggan asupri ga manga uran ag natabu yi lang namatay ti tanan tawu sa banwa Suduma.

Lukas 17:29 Iomraidhean Croise

Isayas 1:9

Nu ti Panginuun Makamaskihan balaw lang nagsawad una di pira sa kanta, parihu yi kita sa Suduma ag Gumura.

Isayas 13:19

Ti Babilunya pag kaharian imaw ti pinakamarinu sa tanan pag kaharian. Pag-ipadayaw tunda niya manga nasakupan. Dapat gubaun niku tunda parihu sa Suduma ag Gumura.

Hirimyas 50:40

Nu kabitay winayak Diyus ti Suduma ag Gumura, hanggan ti manga banwa sa kalibut inda, katida diman ti mangyari sa Babilunya. Unman yi may mangulian ati. Aku, ti Panginuun, ti magsabi inda.

Husyas 11:8

“Manga taga Israil, balaw mahimu dayuun niku kamu ngatay pabay-anan. Balaw mahimu ipadamhak niku kamu lubus parihu sa binwat niku sa manga banwa Adma ag Sibuyim. Balaw maagwanta tagipusuun niku buwatun inda sa kanyu. Magkaawa gid aku sa kanyu.

Amus 4:11

“Rinuris niku ti iba sa kanyu parihu sa binwat niku sa Suduma ag Gumura. Bag-u ti iba sa kanyu nakaribri parihu sa kayu rinabnut sa apuy. Dapat unman diman kamu nagbalik sa kangku. Aku, ti Panginuun, ti magsabi inda.

Lukas 17:28

Katunda diman ti nangyari ati katpung pagka si Lut sa Suduma. Nagkaun ti manga tawu, nag-inum, nagbili, nagpabili, nagtanum sida, nagbuwat balay.

Lukas 17:30

Katunda diman nu miburayhaw yi aban ti Anak Tawu.

2 Pidru 2:6

Sinintinsiyahan diman Diyus pinapas ti banwa Suduma hanggan ti banwa Gumura nagbaliw yi dapug, bilang ga usa ka mustara sa manga balaw magpasakup sa Diyus.

Hudas 1:7

Isipa diman niyu ti banwa Suduma hanggan ti banwa Gumura ag kay manga kaarani pag banwa. Nagumun diman sida sa manga mahalay pag buwat hanggan sa kalukuhan nakan sida pinarusahan sa apuy unman may katabuhan, bilang ga usa ka paalaala sa tanan tawu.

Ipinakakit 11:8

Kanda bangkay mahuprasayan sa karsada mahalaga pag banwa kay ngaran magkabaliwan-an ga Suduma hanggan Ihiptu. Ati diman pag ipinaku sa kurus kanda Panginuun.

Ipinakakit 14:10

uminum siya intus lunsay galit Diyus, ayinungyung atag sa ungut sa kay pangaisug. Pakurian sida sa apuy ag asupri sa atubangan manga anghil Diyus hanggan sa atubangan Anak Karanidu.

Ipinakakit 19:20

Nabihag ti hayup malangas, nabihag diman waydi ti pudilun pag purupita imaw ti manugbuwat makadululaw pag tanda sa atubangan hayup malangas. Tunda ngani pag manga tanda makadululaw ti ginamit niya pandaya sa manga tawu nakatanggap marka hayup malangas, sa manga magsamba sa kay tawu-tawu. Ti hayup malangas ag ti pudilun pag purupita iyinmut buhi tag sa maglabdab danaw apuy asupri.