Lukas 17:27 - Hanunuu

²⁷ Nagkaun ti manga tawu, nag-inum, nagpangasawa sida ag ipinaasawa hanggan sa ati katpung pag sirang pagka sinmaka si Nuwi sa kay sakayan ag binmaha daka napapas sida tanan.

Lukas 17:27 Iomraidhean Croise

Gimpuunan 7:23

Rinuris niya ti tanan tawu hanggan ti tanan manga hayup sa kalibutan. Si Nuwi lang hanggan kay manga kaibahan sa sulud barku ti unman namatay.

Gimpuunan 7:7

Sinmaka siya sa barku kaibahan kay asawa, kay manga anak lalaki, hanggan kay manga umagad hampay balaw sida mamatay sa gunaw.

Isayas 21:4

Pagkulbaan aku ag pagtakigan sa dala. Mana makapahari aku sa pagsangday init, dapat balaw mahimu, dahil magkadala aku sa mahimu mangyari.

Isayas 47:11

Nakan ngani rumas-ug sa kanmu ti kadamhakan, unman nimu alam nu kabitay tunda mipakarayu sa panab-anan nimu manga salumangka. Rumas-ug diman sa kanmu ti sarut balaw nimu mabayadan hampay umapas. Kadaka rumas-ug sa kanmu ti kadamhakan balaw nimu pag-isipun mangyari.

Matiyu 22:30

Dahil sa pagkabuhi uman ti manga tawu unman yi mangasawa. Parihu sida sa manga anghil sa langit.

Lukas 17:26

“Nu kabitay ti nangyari kaybi sa ati katpung sa kan Nuwi katunda waydi aban sa kaudasan pagbalik Anak Tawu.

Lukas 17:28

Katunda diman ti nangyari ati katpung pagka si Lut sa Suduma. Nagkaun ti manga tawu, nag-inum, nagbili, nagpabili, nagtanum sida, nagbuwat balay.

1 Samwil 30:16

Nakan nagsumpa ngani si Dabid, ag inibahan sida Ihipsiyu atag sa kinampuhan manga nansalakay. Bag-u ati nakitan nida ti manga Amalikita mawayakan magkaun, ag mag-irinuman bag-u magbarayaan, dahil mayamu kanda naagaw sa manga Pilistiyu hanggan sa daga Huda.