Lukas 17:26 - Hanunuu

²⁶ “Nu kabitay ti nangyari kaybi sa ati katpung sa kan Nuwi katunda waydi aban sa kaudasan pagbalik Anak Tawu.

Lukas 17:26 Iomraidhean Croise

Gimpuunan 6:5

Pagka nakitan Panginuun ti manga pagbuwatun manga tawu sa kalibutan lunsay lang kadautan, ag kanda pag-isipun pirmi kadautan,

Gimpuunan 6:7

nakan magkun siya, “Rurisun niku ti tanan linalang niku pag tawu, hanggan ti tanan hayup sa daga kaibahan ti manga hayup maglayang. Magsisi aku nu hayga linalang waya niku sida.”

Gimpuunan 6:8

Dapat may usa ka tawu nakapasulung sa Panginuun. Si Nuwi kay ngaran.

Isayas 22:13

Bagkus ngap nanhandaan kamu ag nagbarayaan. Nangiyaw kamu manga baka ag karanidu, bag-u nangaran-an ag nanginuman. Magkun kamu, “Pagmasulung kita, mangaun ag manginum, dahil aldaw barang mamatay yi kita.”

Lukas 17:22

Bag-u sinabi ni Hisus sa kay manga tuludluan magkun, “Aban pumatigagad yi gid kamu sa kangku, sa Anak Tawu, hampay makitan niyu kay kaudasan.

Lukas 17:24

Dahil nu magkilat kabay magkarayawan ti langit baliw-baliw. Katida waydi ti Anak Tawu sa kay kaudasan niya pagras-ug aban.

Lukas 17:27

Nagkaun ti manga tawu, nag-inum, nagpangasawa sida ag ipinaasawa hanggan sa ati katpung pag sirang pagka sinmaka si Nuwi sa kay sakayan ag binmaha daka napapas sida tanan.

Lukas 17:7

Sinabi ni Hisus, “Nu abi kamu may panawuhun mag-aradu ngatay mag-alaga sa manga karanidu, kamu dayu sumabi sa kanya pagka siya nuli ginan sa tanman, ‘Abala yi kawu, mangaun yi.’

Lukas 18:8

Pagsabihun niku sa kanyu, madali gid siya umawat sa kanda hampay may matarung. Dapat nu bumalik aban ti Anak Tawu may mag-akitan aw nguna siya aban manga tawu magsarig sa kanya sitay sa babaw daga?”

Hibriyu 11:7

Dahil sa kay pagsarig ni Nuwi, nakan naniwala siya sa kay ipinasandam Diyus tungkul sa manga bagay udwaya mag-akitan. Nag-alistu si Nuwi usa ka sakayan hampay makaribri kay buu magtal-anakan. Dahil sa kay sarig ipinurya ni Nuwi ti manga taga kalibutan, ag kinilala Diyus siya matadlung dahil sa kay sarig.

2 Pidru 2:5

Unman diman waydi pinatawad Diyus ati katpung pag manga makasalanan pag tawu kaybi nu unman tinabu minatay niya sa gunaw. Si Nuwi lang ti nagtudlu katadlungan imaw kay irinibri Diyus hanggan ti pitu ka tawu naribri diman waydi kaibahan ni Nuwi.

2 Pidru 3:6

Pagka katpung sa nagkagunaw, danum diman ti inmanaw nagdaut sa un-an pag kalibutan.