Lukas 17:25 - Hanunuu

²⁵ Dapat kailangan dapu mag-agwanta siya sa mayamu pag kakurian, ag pagdayuun siya niya kadungan pag manga tawu.

Lukas 17:25 Iomraidhean Croise

Isayas 53:3

Pinuyaan siya ag ipinurya manga tawu. Nakalakaw siya sakit ag kakurian. Pinatlikudan nita siya, pinuyaan, ag balaw pinahalgaan.

Matiyu 16:21

Siyun ginan ipinaalam yi ni Hisus sa kay manga tuludluan kailangan siya umati sa Hirusalim. Pagka ati pakurian siya masyadu manga paggurangunun manga Hudiyu, manga pangulu manughandug hanggan manga manugtudlu Kasuguan bag-u kanda ipamatay siya. Dapat sa ikatlu pag sirang mabuhi maan siya uman.

Matiyu 21:42

Kay sabi ni Hisus sa kanda, “Udwaya aw gid nabasa niyu sa Banal Kasuratan magkun, ‘Ti batu dinayu manga manugbuwat balay, binwat ngap mahalaga pag kalap. Panginuun ti may buwat tunda, tutuu ungud makadululaw.’

Markus 10:33

Magkun siya, “Malu duy kita sa dalan yi tag babaw, tag sa banwa Hirusalim. Nu ati yi, ipahintulut ti Anak Tawu sa manga pangulu manughandug hanggan sa manga manugtudlu Kasuguan. Bag-u kanda sintinsiyahan siya sa kamatayan. Bag-u kanda ipabahala siya sa manga balaw Hudiyu,

Markus 12:10

Unman aw nabasa niyu sa Banal Kasuratan magkun, ‘Ti batu dinayu manga manugbuwat balay, imaw ngap ti binwat mahalaga pag kalap.

Markus 8:31

Siyun ginan nag-umpisa magtudlu si Hisus sa kay manga tuludluan magkun, ti Anak tawu kailangan mag-agwanta mayamu pag kakurian. Dayuun siya aban manga paggurangunun manga Hudiyu, manga pangulu manughandug hanggan manga manugtudlu Kasuguan bag-u kanda ipamatay siya. Dapat ay pagka lawuy yi tulu ka sirang, mabuhi maan siya uman.

Markus 9:31

Dahil nagtudlu siya sa kay manga tuludluan magkun, “Aban ti Anak Tawu ipahintulut yi sa manga tawu bag-u kanda matyun siya. Pagka minatay yi siya, nu makalawuy yi tulu ka sirang, mabuhi maan siya uman.”

Lukas 18:31

Pagka ipinablag ni Hisus kay sampulu may duwa ka tuludluan, sinabi niya sa kanda magkun, “Pagpatingi duy kamu, kita sa dalan yi tag babaw tag sa banwa Hirusalim. Nu ati yi kita tupadun gid ti tanan isinurat manga purupita tungkul sa Anak Tawu.

Lukas 18:33

ag hampakun nida siya bag-u matyun. Dapat sa ikatlu pag sirang mabuhi siya uman.”

Lukas 24:46

Magkun siya sa kanda, “Katunda ngani ti isinurat kailangan maglakaw kakurian ti Pinili Diyus Manugribri pag Hari bag-u sa ikatlu pag sirang mabuhi siya uman ginan sa kay pagkamatay.

Lukas 9:22

Magkun waya siya sa kanda, “Dahil kailangan mag-agwanta ti Anak Tawu sa mayamu pag kakurian. Dayuun siya aban manga paggurangunun manga Hudiyu hanggan manga pangulu manughandug hanggan manga manugtudlu Kasuguan. Kailangan siya kanda pagmatyun bag-u mabuhi maan uman sa ikatlu pag sirang.”

Huwan 1:11

Nagsitay siya sa kay sadili daga, dapat kay manga kasimanwa unman nagtanggap sa kanya.

Huwan 12:38

Inda tanan-tanan nangyari hampay matupad kay sinabi kaybi ni Purupita Isayas magkun, “Panginuun, si unu ti naniwala sa kanmi sinabi? Sa kantapu pag ipinakilala Panginuun kay kapangyarihan?”

1 Samwil 10:19

Dapat taynguna pag sirang pinatlikudan niyu aku, madi aku kanyu Diyus tig bawi sa kanyu ginan sa tanan niyu malakawan pag kakurian hanggan kagipitan. Sinabi niyu sa kangku magkun, “Kailangan pakan-an nimu kami usa ka hari.” ’ Nakan taynguna kamu pag-atubang sa Panginuun angay sa kada lahi niyu ag magtal-anakan.”

1 Samwil 8:7

Magkun ti Panginuun sa kanya, “Buwata ti pagsabihun manga tawu sa kanmu, balaw kawu kanda pagdayuun nu unman aku ngap.