Lukas 17:24 - Hanunuu

²⁴ Dahil nu magkilat kabay magkarayawan ti langit baliw-baliw. Katida waydi ti Anak Tawu sa kay kaudasan niya pagras-ug aban.

Lukas 17:24 Iomraidhean Croise

Isikil 1:14

Inda pag manga linalang buhi paatabug-paataytag ga kilat.

Sakaryas 9:14

Pumakakit ti Panginuun sa tungud niya nasakupan. Mangislap kay ugyung parihu sa kilat. Patunugun Panginuun Diyus ti budyung, ag rumas-ug siya kaibahan bagyu ginan sa kanaway.

Matiyu 24:27

Nu kabitay ti kilat kay kabisug kay magbalagit ginan sa butlakan hanggan isalpan, katunda diman waydi kay pagsitay Anak Tawu.

Matiyu 24:30

Bag-u makitan nida sa langit ti tanda Anak Tawu. Manrukuan di ti tanan nasyun sa babaw daga nu makitan nida ti Anak Tawu rumas-ug napadara sa rurum ginan sa langit may kamaskihan hanggan daka pag kadayawan.

Matiyu 25:31

Sinabi ni Hisus magkun, “Rumas-ug ti Anak Tawu aban hampay maghari, kaibahan niya ti tanan manga anghil, bag-u gamitun niya kay karampatan sa pagkahari may kadayawan.

Matiyu 26:64

Sinmagut si Hisus, “Tutuu yi ngap kanmu pagbagawun. Dapat kang pagsabihun sa kanyu, ‘Kainda ginan makitan niyu ti Anak Tawu matukawan baliwa sa kay sikun Diyus minsan sa karampatan Diyus makapangyarihan. Rumas-ug siya aban padara sa rurum ginan sa langit.’ ”

Matiyu 5:15

Unman may nagsulu sulul-an bag-u ipauli sa sirung salupan, nu unman sa kay gid palaulian sulul-an hampay marayawan ti tanan tawu sa sulud balay.

1 Kurintu 1:8

Si Hisu-Kiristu diman ti pumarig-un sa kanyu hanggan tugka sa katapusan hampay unman may ikasabi sa kanyu sa kaudasan pagras-ug nita Panginuun Hisu-Kiristu.

1 Tisalunika 5:2

Dahil alam yi waydi niyu ti pagras-ug kaudasan Panginuun parihu sa pagras-ug mananakaw sa yabi.

2 Tisalunika 2:2

danga kamu magkataranta, danga waydi magkaaburidu sa manga barita tawu kuntay rinmas-ug yi ti kaudasan Panginuun. Danga kamu magpaniwala una kanda sabi ipinurupita kunu tunda, una abi itinultul kunu una abi kunu sa surat ginan sa kanmi.

2 Tisalunika 2:8

bag-u mibantala yi ti May Puun Kadautan. Pagka sa kaudasan niya pagras-ug ni Kiristu, arupan niya ti May Puun Kadautan kay papasun yi, matyun siya sa masyadu masilaw pag rayaw ni Kiristu.

Santiyagu 5:8

Kailangan diman kamu pag-agwanta sa alagad. Pagkarig-un kanyu nalub-anan, dahil arani yi kay pagras-ug Panginuun.

2 Pidru 3:10

Rumas-ug ti kaudasan Panginuun parihu sa mananakaw. Sa tunda pag udas madnugan ti matnug gid pag tunug ag madura ti manga langit. Mairub ti init, ti bulan, hanggan ti manga pamgasan. Ti daga hanggan ti tanan bagay sa babaw daga madura diman.