Lukas 17:16 - Hanunuu

¹⁶ Napadapa siya sa atubangan ni Hisus magpasalamat sa kanya. Usa ka taga Samarya siya pag tawu.

Lukas 17:16 Iomraidhean Croise

Gimpuunan 17:3

Pagka nasaydan inda ni Abram, napayuk-ub siya bilang paggalang sa Diyus. Magkun ti Diyus sa kanya,

Matiyu 10:5

Sinugu ni Hisus tunda pag sampulu may duwa ka tuludluan kay binilinan magkun, “Danga kamu mag-ati sa daga manga balaw Hudiyu, danga waydi magsulud sa banwa manga Samaritanu.

Matiyu 2:11

Pagka nagsaka sida sa balay, nakitan nida ti anak hanggan kay ina si Marya. Nagyuk-ub sida nagsamba sa anak. Pagka binukasan nida kanda kayamanan, ipinakaun nida sa kanya kanda dara gintu, kamangyan hanggan mira.

Markus 5:33

Magkadala yi ti babayi pagtakigan sa dala dahil naalaman yi waydi niya nu hintay ti nangyari sa kanya. Nakan nagpakarani siya sa kan Hisus napayuk-ub sa kay atubangan bag-u itinultul niya ti buu katutuuhanan.

Lukas 17:17

Sinabi ni Hisus magkun, “Unman aw sampulu ti naayadan kay dilikadu pag sakit sa lukub? Dapat naan yi duy kay siyam?

Lukas 5:8

Pagka nakitan ni Simun Pidru ti nangyari, nagluhud siya sa atubangan ni Hisus ag magkun, “Pagpakarayu duy kawu Panginuun sa kangku ginan, dahil makasalanan aku.”

Huwan 4:9

Magkun ti babayi sa kan Hisus, “Hudiyu kawu, aku taga Samarya. Kabitay kawu pag makahagad danum sa kangku?” Dahil ti manga Hudiyu balaw makapaminsan sa manga taga Samarya.

Huwan 5:23

hampay ti tanan tawu gumalang sa Anak parihu sa kanda maggalang sa Ama. Nu ti tawu unman maggalang sa Anak, unman diman waydi paggalangun niya ti Ama ti nagsugu sa Anak.

Huwan 8:48

Sinabi manga Hudiyu sa kan Hisus magkun, “Bukun ngap salan kanmi pagkumnun kawu Samaritanu, inapuan paman labang.”

Binwat 1:8

Dapat makatanggap kamu kapangyarihan nu lubus kamu suldan Ispiritu Banal. Bag-u kamu yi gid ti manga manugpadakit magtudlu tungkul sa kangku sa Hirusalim una sa bilug Hudiya hanggan sa Samarya, hanggan waya sa katugkaan daga.”

1 Kurintu 14:25

Bag-u ipaburayhaw Ispiritu ti manga ilinihim pag kasalanan sa kay tagipusuun, nakan ngani lumuhud siya sumamba sa Diyus ag rargu sumabi siya, “Tutuu maaw ti Diyus sa kanyu karaw-an.”

Ipinakakit 19:10

Napadapa aku sa atubangan anghil hampay magsamba sa kanya. Dapat sinabi niya sa kangku, “Danga duy, aku kabay suruguun diman ga kanmu, parihu diman gid ga kanmu manga patar-ari manga magpadakit tungkul sa kan Hisus. Diyus ti sambahun nimu.” Dahil ti katutuuhanan tungkul sa kan Hisus imaw yi ti pinakabusul sa tanan sinabi ag isinurat manga purupita.

Ipinakakit 4:10

Sa kanda katpung magdayaw ti duwapulu may upat ka takinan napadapa sa atubangan tukawan hari, kanda pagsambahun ti matukawan siyun, ti may buhi unman may katapusan. Pag-ibugtang nida sa atubangan tukawan hari kanda manga sangbaw magkun,

Ipinakakit 5:14

Ti upat ka linalang may buhi nagbagaw magkun, “Amin.” Napadapa ti manga gurangun nagsamba.