Lukas 16:3 - Hanunuu

³ “Nag-isip ti katiwala sa kay sadili bilug magkun, ‘Hintay nguna kang buwatun, dahil bul-un yi niku amu taynguna sa kangku ginan kang katungkulan. Aku unman may kaya magkali manga kanal. Magkay-a waydi aku maghagad maghagad.

Lukas 16:3 Iomraidhean Croise

Istir 6:6

Pagka sinmaka ngani si Haman, pinaingana siya hari, “Hintay ti mayad niku buwatun sa tawu pagkaibgan kilalahun?” Kay isip ni Haman siya yi ti pagtukuyun hari ti kilalahun.

Kabagawan 13:4

Nu bugyahin ti usa ka tawu, una waya unu kay paghingabtun, unman gid niya inda mab-ul, dapat nu masipag siya, matanggap niya ti subra waya sa kay paghingabtun.

Kabagawan 15:19

Nu bugyahin kawu, makuri kanmu buhi, dapat nu masipag kawu, maalwan kanmu buhi.

Kabagawan 18:9

Ti bugyahin pag tawu parihu sa tawu marapuya.

Kabagawan 19:15

Nu bugyahin kawu ag pirmi lang turug, lun-usun gid kawu.

Kabagawan 20:4

Ti bugyahin mag-aradu sa udas tig-taranum unman gid may maani sa udas tig-arani.

Kabagawan 29:21

Nu pagpasugtan lang nimu kanmu suruguun ginan sa anak waya siya, aban sa uryan bumaliw dahilan nimu siya.

Isayas 10:3

Hintay ti buwatun niyu sa sirang pagsintinsiya sa kanyu? Hintay ti buwatun niyu nu rumas-ug ti kadamhakan ginan sa arayu? Sa kantapu kamu pag manhagad awat? Ag naan niyu pag-itagu kanyu kayamanan?

Hirimyas 5:31

Ti manga purupita magpaburayhaw kapudilan. Ti manga manughandug magdumara angay sa sadili nida kapangyarihan. Katida ti pagkaibgan manga nasakupan niku. Dapat unu ti buwatun nida nu rumas-ug yi ti katapusan?”

Husyas 9:5

Dahil kanyu manga handug balaw diman tanggapun Panginuun, malu hintay kanyu buwatun sa pagras-ug mahalaga pag sirang pagsamba ngatay sa manga pista bilang pag-alaala sa Panginuun?

Matiyu 20:8

“Pagka malambung yi, magsabi ti may puun ubasan sa kay ingkargadu, ‘Pasitaya nimu ti manga nagtarabahu, pakan-an nimu sida kanda upa. Pakan-an dap nimu ti manga nauryan bag-u ti manga un-an.’

Markus 10:46

Nagras-ug sa banwa Hiriku sida ni Hisus. Pagka si Hisus hanggan kay manga tuludluan ag ti mayamu pag tawu magginan maan sa Hiriku, may lalaki buta matukawan sa saruy dalan maghagad kuwarta. Kay ngaran pag tawu si Bartimiyu, kan Timiyu anak.

Lukas 12:17

Inisip niya sa kay sadili, ‘Hintay kang buwatun, dahil unman yi may paulian aku kang inani?’

Lukas 16:2

Tinawag niya amu kay katiwala bag-u kay pinaingana, ‘Hintay inda duy kang nabaritaan tungkul sa kanmu? Tultula mayad-mayad kanta kayamanan naan yi duy, dahil udyi kawu mahimu mag-alaga.’

Lukas 16:20

May usa waydi ka tawu kay ngaran si Lasaru, pasay garisgarisun kay bilug, ipagpauli siya sirang-sirang ati sa puun sabian balay mayaman.

Lukas 16:22

“Pagka dugay namatay yi ngani ti may kakurian pag tawu si Lasaru bag-u siya dinara manga anghil tag sa kan Abraham arani.

Lukas 16:4

Alam yi niku kang buwatun hampay tanggapun aku manga tawu sa kanda manga balay nu udyi aku katiwala.’

Lukas 18:4

“Sa kabag-u nagbugya ti talaghusay, dapat sa kadugayan panahun magkun siya sa kay sadili, ‘Madi aku unman maggalang sa Diyus, unman diman waydi maggalang sa tawu,

Huwan 9:8

Nakan naglingut gid kay manga kamalay hanggan ti manga tawu nakakit sa kanya kaybi maghagad kay pangailangan. Magkun sida, “Balaw aw inda pag tawu ti matukawan kaybi magpakahagad kay pangailangan?”

Binwat 3:2

Pagka sida rinmas-ug sa Balay Diyus, sa pagkumnun Marinu pag Sabian, may nakitan sida usa ka lalaki lunu. Ginan sa kay inanak daan lunu tunda pag tawu. Sirang-sirang pagbab-un siya bag-u pag-ibugtang sa puun sabian Balay Diyus hampay manhagad kay pangailangan sa manga magsulud ati.

Binwat 9:6

Pagbangun yi kawu, pag-ati kawu sa banwa bag-u may sumabi ati sa kanmu tungkul sa kanmu kailangan buwatun.”

2 Tisalunika 3:11

Pagsabihun nimi inda dahil nabaritaan nimi ti iba sa kanyu mag-ugali sa bugyahin, dayu magtrabahu, nu unman maralabut sa magkabuhi iba.