Lukas 16:25 - Hanunuu

²⁵ “Dapat magkun si Abraham, ‘Anak, isipa dapu nimu. Kawu nu sa babaw waya daga, kanmu nakitan kanmu hinanap pag manga kaayadan. Si Lasaru nu sa babaw waya daga nalakawan yi niya ti kakurian. Dapat taynguna pinakan-an siya kaayadan sitay, kawu maan ti sa makuri.

Lukas 16:25 Iomraidhean Croise

Hub 22:18

Dapat ti Diyus imaw ti nagpunu sa kanda manga balay manga mayad pag manga bagay. Nakan nu unu man ti itudlu inda pag daut manga tawu, balaw gid aku pumasnu.

Kanta 17:14

Ribrihan aku sa inda pag manga tawu magkahilig lang sa manga bagay sitay sa kalibutan. Parusahi sida parusa iinalistu nimu sa kanda, hanggan yi kanda manga kalay-awan. Alistuhi diman parusa kanda manga laki.

Kanta 49:11

Kanda kalubngan imaw kanda balay sa unman may katapusan. Asan sida mangulianan hanggan aban una may pag-apuun sida manga daga.

Kanta 73:7

Kanda manga tagipusuun punu kadautan, ag kanda pirmi pag-isipun ti pagbuwat daut.

Karukuan 1:7

Taynguna asan sa kakurian ti Hirusalim ag magkawatak-watak, naimatun-an niya ti tanan niya kasiyunan kaybi. Pagka niatag siya sa kamang niya manga kalaban, unman may nangawat sa kanya. Pagpuyaan siya ag pagkasarin-an niya manga kalaban sa kay pagkadamhak.

Danyil 5:30

Sa tunda diman pag yabi, minatay si Bilsasar hari manga taga Babilunya.

Matiyu 27:63

Sinabi nida, “Naalaala duy nimi pagka siya buhi waya, sinabi tunda pag magpanaguabi magkun, nu lawuy tulu ka sirang mabuhi siya uman.

Markus 9:45

Nu kanmu lulud tigpaturun sa kanmu tabug sa kasalanan, pulda yi nimu tunda. Mayad waya nu rumas-ug kawu sa langit usa lang kanmu lulud, sayang waya nu kawu may duwa ka lulud bag-u iyamut sa impirnu.

Lukas 16:20

May usa waydi ka tawu kay ngaran si Lasaru, pasay garisgarisun kay bilug, ipagpauli siya sirang-sirang ati sa puun sabian balay mayaman.

Lukas 16:23

Hanggan ti mayaman namatay waydi, nag-agwanta gid siya ati sa rugar manga namatay. Bag-u nagbantay siya, nakitan niya ati sa arayu si Abraham hanggan si Lasaru sa kan Abraham arani.

Lukas 16:26

May yangpas paman daka sa kanta tab-anan ginan sa kanmi tag sa kanyu. Nakan una may magkaibug mana dumipay dayu mahimu, una sitay ginan asan tabug, una asan ginan sitay tabug.’

Lukas 6:24

Dapat kaawaawa kamu pag manga mayaman dahil nakarubtan yi niyu ti kanyu pagbayaun.

Huwan 16:33

Itinultul niku inda tanan-tanan sa kanyu, hampay may kahusayan kanyu naisipan dahil sa kanyu magpakiusa sa kangku. Sitay sa babaw daga may malakawan kamu kakurian. Dapat pagmatutum duy kanyu naisipan. Tinalu yi niku ti kapangyarihan kalibutan.”

Binwat 14:22

Pinarig-un nida ti manga patar-ari, pinaanyuan danga sida umurung sa kanda pagsarig sa Panginuun. Nanudlu waya sida sa manga patar-ari magkun, “Dayu maamanan nita ti mayamu pag kakurian bag-u kita makapasakup sa kay paghari Diyus aban.”

Ruma 8:7

Ti tawu nu mag-intindi sa kay lang sadili kagustuhan niya pagkatawu, siya kalaban yi Diyus, dahil dayu siya magsunud sa kay manga bilin Diyus, dayu gid waydi mahimu.

Diyuturunumiyu 28:17

Saadan niya kanyu manga ani hanggan manga karan-unun.

Pilipus 3:19

Kanda aban ras-ugan sa kaparusahan sa impirnu, dahil kanda sadili kailangan imaw kanda pinagkadiyus. Ti kanda ikakay-a mana, imaw ngap ti pag-ipadayaw nida. Kanda paghingbutun ti manga bagay lang sitay sa babaw daga.

1 Tisalunika 3:3

agud unman may manlubay sa kanyu dahil sa pag-unuunu. Alam diman niyu ti manga pag-unuunu angay sa kagustuhan Diyus sa kanta.

Hibriyu 11:25

Pinahalgaan di ngap niya ti magpausa sa nasyun Diyus madi pag-unuunuhun. Dinayu di niya ti magkupas pag kasayahan tungkul sa kasalanan.

1 Huwan 2:15

Danga pagmayada ti ugali kalibutan. Danga pagkaibgi niyu ti manga bagay sa kalibutan. Una hintay tigmahal sa ugali kalibutan, unman mahimu magmahal waydi sa Ama.

Ipinakakit 7:14

Kang sagut magkun, “Tau duy, kawu ngap ti katanda.” Sinabi niya sa kangku magkun, “Sida ti nakalapus sa mahigpit pag unu-unu, linumpiyu nida kanda rutay linagti sa dugu Anak Karanidu.