Lukas 16:24 - Hanunuu

²⁴ Nagtawag siya magkun, ‘Amang Abraham, kaawai yi aku, sugua nimu si Lasaru hampay itulsuk kay suru ituturu sa danum isubu sa kang dila agud rumamig, dahil aku magkakuri sitay sa karaw-an apuy.’

Lukas 16:24 Iomraidhean Croise

Hub 20:21

Dapat unman yi may masawad sa kanya kay makaun, dahil kay kayamanan malyam lang.

Isayas 27:11

Pagka nabari ag nalayung ti manga sanga, tinipun inda manga babayi ag binwat pamagba. Dahil sa unman may intindi inda pag manga tawu. Balaw sida kaawaan Diyus imaw ti naglalang sa kanda.

Isayas 66:24

Sa pagluwas manga nagsamba sa kangku sa Hirusalim, makitan nida ti manga bangkay manga tawu naglaban sa kangku. Ti magkaun sa kanda pag manga sapat balaw magkamatay hanggan ti sumunug pag apuy sa kanda ud magkapsa. Ag kurim-udan sida tanan tawu.”

Sakaryas 14:12

Inda pag manga sarut ipadara Panginuun sa tanan nasyun nan-gira sa Hirusalim: Mabuyuk kanda manga bilug, mata, ag dila una buhi waya sida.

Matiyu 25:41

“Kumumun maan ti Hari sa manga tawu sa wala baliwa, ‘Pagpakarayu kamu sa kangku ginan, kamu ti manga sinaadan, pag-ati kamu sa apuy unman magkapsa inalistu para sa diyablu hanggan sa kay manga anghil.

Matiyu 3:9

Danga kamu mag-isip kuntay balaw kamu parusahan dahil kamu manga linahi ni Abraham. Dahil pagsabihun niku sa kanyu, una inda pag manga batu mahimu buwatun Diyus manga anak ni Abraham.

Matiyu 5:22

Dapat kang pagsabihun sa kanyu, ti kada magkutub daut sa kay patar-ari, parusahan diman. Una si unu ti magpuya sa kay patar-ari, daka kay saragtun sa atubangan Katipunan manga Pinunu. Una si unu ti magsabi sa kay patar-ari, ‘Buang kawu’ iyamut gid siya sa impirnu.

Lukas 16:30

Magkun ti mayaman, ‘Balaw Amang Abraham, dapat umampu gid sida sa kanda manga kasalanan sa Diyus nu may mabuhi maan ginan sa kamatayan bag-u umati sa kanda.’

Lukas 19:9

Sinabi ni Hisus sa kan Sakiyu, “Nagras-ug taynguna ti karibrihan sa inda pag magtal-anakan. Dahil inda pag tawu linahi diman ni Abraham.

Lukas 3:8

Kamu pagbuwat yi mayad pag buruwatun, kanyu manga ainampu pag manga kasalanan danga yi pagsublia. Danga yi kamu magsarabihan kuntay kanyu ginurang si Abraham. Dahil pagsabihun niku sa kanyu, inda pag manga batu mahimu buwatun Diyus manga tawu itulus sa kan Abraham linahi.

Huwan 4:10

Sinmagut si Hisus magkun, “Nu abi maalaman lang nimu nu hintay kay pag-ipakaun Diyus ag nu si unu ti naghagad kam danum, mahimu kawu ngap mana ti humagad sa kanya, hampay ipakaun niya sa kanmu ti danum imaw ti makapakaun buhi sa tawu.”

Huwan 4:14

Dapat dayi gid uwawun ti tawu una kapira aban nu inmun niya ti danum kang ipakaun sa kanya. Dahil ti danum kang ipakaun sa kanya bumaliw ga bulbugan sa kay tagipusuun may danum magpakaun buhi. Tunda pag danum tigpakaun buhi unman may katapusan.”

Huwan 7:37

Pagka sa katapusan yi pag sirang Kapistahan imaw yi ti pinakamahalaga pag sirang, ati katpung tinmindug si Hisus bag-u sinabi niya sa daraka buka magkun, “Una hintay pag tawu nu magkauwaw, pagsitay siya sa kangku, pag-inum.

Ruma 4:12

Katunda diman si Abraham ti pinagkagurang manga tinuri bukun lang dahil sida tinuri nu unman dahil sida magsarig parihu sa kanta ginurang sa kan Abraham nagsarig una udwaya tinuri.

2 Tisalunika 1:8

Rumas-ug siya sa karaw-an maglalabdaban pag apuy. Bag-u parusahan niya ti tanan tawu dayu magpaniwala sa Diyus ag ti manga dayu magsunud sa Mayad pag Barita tungkul sa kanta Panginuun Hisus.

Santiyagu 2:13

Udyi kaawaan Diyus sa kay magsintinsiya ti tawu unman madunung magkaawa. Dapat ti tawu nu madunung magkaawa, unman kailangan magkadala sa parusa Diyus.

Santiyagu 3:6

Ti dila ga usa waydi ka apuy, lubus yi sa kadautan, imaw ti magmaliw sa kanta buu bilug. Tunda ti pagsabihun pag apuy sa dila ginan ngani sa impirnu, pinamaktan niya ti kadungganan tawu.

Ipinakakit 19:20

Nabihag ti hayup malangas, nabihag diman waydi ti pudilun pag purupita imaw ti manugbuwat makadululaw pag tanda sa atubangan hayup malangas. Tunda ngani pag manga tanda makadululaw ti ginamit niya pandaya sa manga tawu nakatanggap marka hayup malangas, sa manga magsamba sa kay tawu-tawu. Ti hayup malangas ag ti pudilun pag purupita iyinmut buhi tag sa maglabdab danaw apuy asupri.

Ipinakakit 20:15

Ayinmut waydi sa danaw apuy una si unu ti unman nisurat kay ngaran sa ribru kabuhian.

Ipinakakit 22:1

Ipinakakit diman anghil sa kangku ti usa ka sapa kay danum makapakaun tutuu pag buhi sa tawu. Tunda pag sapa kay danum malindag parihu sa bubug. Kay bulbugan ginan sa tukawan Diyus hanggan Anak Karanidu. Bag-u magbulus sa karaw-an karsada banwa.

1 Samwil 28:16

Sinabi ni Samwil, “Hayga aku kanmu pagpaingan-un? Balaw aw duy binugyahan yi ngap ngani kawu Panginuun ag nagbaliw kalaban nimu siya?