Lukas 16:22 - Hanunuu

²² “Pagka dugay namatay yi ngani ti may kakurian pag tawu si Lasaru bag-u siya dinara manga anghil tag sa kan Abraham arani.

Lukas 16:22 Iomraidhean Croise

Hub 21:13

Magkabuhi sida abunda ag magkamatay may kahusayan.

Kabagawan 14:32

Pag-ipadamhak Diyus ti manga daut pag tawu dahil sa kanda daut pag manga buwat, dapat pag-alagaan niya ti manga matadlung dahil sa kanda pagkamakadiyus.

Manugtudlu 8:10

Nakitan diman niku ilinbung ti daut pag manga tawu. Inda sida pirmi magsulud kaybi sa Balay Diyus. Ag siyun gid pag rugar sa banwa Hirusalim nu naan sida pag magbuwat kadautan ag pagdayawun sida manga tawu. Unman diman inda may pulus.

Isayas 14:18

“Ti tanan hari sa kalibutan mahuwayan may kadayawan sa kanda marinu gid pag kalubngan.

Isayas 22:16

“Si unu kawu hampay mangali sa habig bantud hampay magbuwat lulubngan kaibahan ti manga pagkilalan-un? Si unu ti nagpakaun sa kanmu karampatan kuntay buwatun inda?

Matiyu 18:10

Sinabi ni Hisus magkun, “Ingatan niyu sa danga niyu ipasipala una lang usa sa manga dariit anak. Kang pagsabihun gid sa kanyu, ati sa langit ti manga anghil magbantay sa kanda pirmi sa atubangan niku Ama sa langit.

Matiyu 24:31

Suguun niya kay manga anghil may budyung daka hampay tipunun nida ti manga pinili Diyus ginan sa upat ka puun durus, ginan sa bilug kalibutan.”

Matiyu 8:11

Tandai niyu mayamu waya ti rumas-ug ginan sa butlakan hanggan ginan sa isalpan hampay dumulud atag sa karan-an kasaru nida ni Abraham, ni Isaak hanggan ni Hakub sa kaharian langit.

Markus 8:36

Hintay ti makinabangan tawu una maapu niya ti bilug kalibutan nu kay kinabuhi ti kabaydanan?

Lukas 12:20

Dapat kay sabi Diyus sa kanya, ‘Kawu pag tawu ga ud may namuangan. Sab yabi bul-un yi niku kam buhi. Kanmu itinigana hamnu kantapu yi nguna aban tida?’ ”

Lukas 16:21

Magkaibug mangaun siya tunda pag manga inuyang ginan sa nagkan-an mayaman. Siyun diman ti manga idu sa kay arani maghimud sa kay manga garis.

Huwan 1:18

Kaybi ginan unman may tawu nakakit sa Diyus. Ti Bugtung Anak ti nagpakilala sa manga tawu nu kabitay ti Diyus. Dahil ti Bugtung Anak kaibahan Diyus ag pirmi gid sa kay arani Ama.

Huwan 13:23

Sa kanda magkaun ti matukawan sa kay arani ni Hisus imaw yi ngani ti pagmahalun ni Hisus pag tuludluan.

Huwan 21:20

Namantay si Pidru sa kay magkaaday-an bag-u nakitan niya sa kay arani tunda pag usa ka tuludluan kay pagmahalun ni Hisus. Imaw yi pag tuludluan ti inmisdug kaybi atag sa kan Hisus arani katpung kanda magyapun bag-u nagpaingana sa kan Hisus magkun, “Panginuun, si unu ti pumakampi sa kanmu manga kalaban?”

Hibriyu 1:14

Ti tanan manga anghil manga ispiritu magsirbi sa Diyus, kay manga suruguun hampay mag-alaga sa manga tawu mumana karibrihan.

Hibriyu 2:14

Tawu ngani tunda kay pagkumnun manga anak, nakan si Hisus nabilug diman tawu may nayi may dugu ga kanda diman may nayi may dugu. Nakan katida kay binwat, hampay sa kay pagkamatay mamapas siya sa diyablu, sa may kapangyarihan sa kamatayan,

Santiyagu 1:11

Ti ilamnun magkalayung pagka nasinggitan masyadu pag init. Magkarugnas kay busang, magpud-as kay rinu. Katunda diman waydi ti mayaman ud umapas sa asikasu sa kay kayamanan hanggan sa ud mamatay siya.

1 Pidru 2:24

Sa pagkamatay niya sa kurus, “dinara niya sa kay bilug ti kabuyatan nita kasalanan” hampay rargu tayakan nita kanta ugali magkasala bag-u mag-ugali yi angay sa kay kagustuhan Diyus. “Kamu pinaayad yi dahil lang sa kay manga biyag ni Kiristu.”

Ipinakakit 14:13

Nadnugan niku may magbagaw ginan sa langit magkun, “Isurat nimu inda pagkumun, taynguna ginan pinapaladan Diyus ti manga namatay sa kanda pagsirbi sa Panginuun.” Magkun ti Ispiritu, “Tutuu ngani, pumahari sida aban sa kanda budlay. Dahil dumasun sa kanda uryan kanda manga binwat.”