Lukas 16:14 - Hanunuu

¹⁴ Inda pag manga adal tanan-tanan nadnugan manga Parisiyu manga maraibgun sa kuwarta. Nakan linibak nida si Hisus.

Lukas 16:14 Iomraidhean Croise

Kanta 119:51

Masyadu gid ti pagpakay-a sa kangku manga palabi-labihun, dapat unman aku magpablag sa kanmu kasuguan.

Isayas 53:3

Pinuyaan siya ag ipinurya manga tawu. Nakalakaw siya sakit ag kakurian. Pinatlikudan nita siya, pinuyaan, ag balaw pinahalgaan.

Isayas 56:11

Ga manga idu sida daluk ud magkabsug. Ti manga manugbantay Israil unman may intindi. Ti kada usa sa kanda magbuwat una lang hintay kanda gustu buwatun. Sadili lang ikaayad ti kanda pagpabalagan.

Hirimyas 6:13

“Ginan sa pinakapugri tugka sa darayawun, pararihu lang sida manga maramuun sa kuwarta. Una ti manga purupita ag manga manughandug manga manugdaya diman.

Hirimyas 8:10

Nakan ipakaun niku sa iba kanda manga asawa hanggan manga tanman. Dahil ginan sa pugri tugka sa may kaya pararihu nagbaliw maramuun sa kuwarta, hanggan yi ti manga purupita ag manga manughandug.

Isikil 33:31

Nakan magpakarani kang nasakupan sa kanmu ag ga magkaibug gid sida magpatingi sa kanmu, dapat kay tutuu unman nida pagtupadun kanmu pagsabihun. Mayad lang sida magbagaw kuntay pagmahalun nida aku, dapat ti sa sulud nida tagipusuun imaw ti maramuun sa kuwarta.

Matiyu 23:13

Sinabi ni Hisus, “Kaawaawa kamu pag manga manugtudlu Kasuguan hanggan manga Parisiyu, magpabalhinguun lang kamu! Bilang ga tinalakpan niyu ti sabian hampay ti manga tawu dayu makasulud sa kaharian langit. Kamu dayu magsulud sa kaharian langit bag-u kanyu waya pag-amparahun ti manga magkaibug magsulud ati.

Matiyu 9:24

Magkun siya, “Pagluwas yi kamu. Balaw tigbak ti anak, turug lang.” Kanda lang pagkasarin-an si Hisus.

Lukas 12:15

Bag-u sinabi niya sa kanda, “Pag-ingat gid kamu, pag-aman kamu agud kanyu tagipusuun unman maramuun. Dahil ti tawu balaw kumakit buhi nu sa abunda lang pag kasiyunan.”

Lukas 20:47

Dapat pagtabuhun nida ti kasiyunan manga buranday bag-u magpadayaw-dayaw diman sa kanda magdarangin araba. Lalu waya mabuyat aban pag parusa sa kanda.”

Lukas 23:35

Matindugan magbantay ti manga tawu taga banwa. Paghangal-hangalun siya manga pinunu magkun, “Irinibri niya ti manga iba, ribrihan waydi niya kay sadili bilug, nu ungud siya ti Pinili Diyus Manugribri pag Hari.”

Lukas 8:53

Kinasarin-an nida siya. Alam nida tigbak yi tunda.

2 Timutiyu 3:2

Ti manga tawu aban makasadili, maramuun sa kuwarta, palabi-labihun, yabang-yabangin, magpanmuransa, supladu sa gurangun, unman may pasunaid sa kay sadili, ag unman magpasakup sa Diyus.

Hibriyu 11:36

Inagwanta manga iba ti libak, ti hampak, hanggan ti tarikada sa kanda pagkapirisu.