Lukas 16:10 - Hanunuu

¹⁰ “Ti tawu nu unman mapinasipalahun sa diit pag bagay, lalu yi sa daka pag bagay balaw ngap pumasipala. Ti tawu nu maradaya sa diit pag bagay, dumaya diman siya una sa daka pag bagay.

Lukas 16:10 Iomraidhean Croise

Matiyu 24:45

Sinabi ni Hisus magkun, “Ti panawuhun nu matinupadun ag mapininsarun imaw ti pagpiyaran niya amu hampay pakan-an niya karan-unun kay kaparihu manga panawuhun, may bahaw, may yabas, may yapun.

Matiyu 25:21

Magkun kay amu, ‘Bali duy, matinupadun ag mayad kawu pag panawuhun. Dahil kawu matinupadun sa diit pag halaga, piyaran niku kawu daka pag halaga. Abala kawu, miusa sa kang kabayaan.’

Matiyu 25:23

Magkun kay amu, ‘Bali duy, matinupadun ag mayad kawu pag panawuhun. Dahil kawu matinupadun sa diit pag halaga, piyaran niku kawu daka pag halaga. Abala kawu, miusa sa kang kabayaan.’

Lukas 19:17

Bag-u sinabi niya sa panawuhun, ‘Mayad duy, mayad kawu pag panawuhun. Kawu maratupad sa diit pag bagay, nakan kawu kang buwatun pangulu sa sampulu ka banwa.’

Huwan 12:6

Katida kay binagaw ni Hudas balaw kuntay sa magpasunaid siya sa manga pugri. Nakan sinabi niya katunda dahil siya mananakaw. Siya ti manughiyaput kanda kuwarta, bag-u paggawhinun niya kay iba.

Huwan 13:2

Ati katpung si Hisus hanggan kay manga tuludluan magyapun. Daan inudyukan diyablu si Hudas, kan Simun Iskariyuti anak, hampay pumakampi siya sa kay kalaban ni Hisus agud siya kay itudlu sa kanda.

Huwan 13:27

Pagka nagamit ni Hudas ti tinapay, susun inapuan siya ni Satanas. Bag-u kan Hisus sinabi sa kan Hudas magkun, “Ti kanmu buwatun, buwata yi nimu kadali.”

Hibriyu 3:2

Matinupadun siya sa Diyus sa nagpili sa kanya sa inda pag buruwatun, parihu ga kan Muysis matinupadun diman sa tanan niya buruwatun tungkul sa kay magtal-anakan Diyus.