Lukas 15:8 - Hanunuu

⁸ Sinabi maan ni Hisus, “Ti babayi nu may sampulu ka bilug kuwarta bag-u nu may nadura usa ka bilug, pihu sumulu siya kay duag bag-u parisun gid kay balay ligawun gid niya mayad kay kuwarta hanggan sa ud makitan.

Lukas 15:8 Iomraidhean Croise

Isikil 34:12

Bumaliw aku parihu sa manug-alaga maghanap karanidu nagkaralat. Iribri niku sida sa tanan rugar nu naan sida nagkarawatak katpung udas kaguluhan.

Matiyu 5:15

Unman may nagsulu sulul-an bag-u ipauli sa sirung salupan, nu unman sa kay gid palaulian sulul-an hampay marayawan ti tanan tawu sa sulud balay.

Lukas 15:7

Magkun si Hisus, “Kang pagsabihun sa kanyu, katunda diman may magbaya sa langit nu may usa ka tawu nag-ampu kay kasalanan bag-u naghagad kapatawadan sa Diyus. Lalu pagbayaun tunda sa siyampulu may siyam ka tawu kanda hantup unman may kasalanan sida iampu sa Diyus.”

Lukas 15:9

Pagka nakitan niya, kay tipunun niya kay manga kakilala hanggan kay manga kamalay magkun sa kanda, ‘Pagmasulung gid duy kita tanan, dahil nakitan yi niku kang usa ka bilug kuwarta nalyam.’ ”

Lukas 19:10

Dahil aku, ti Anak Tawu, nagsitay hampay hanapun ag iribri ti nadura.”

Huwan 10:16

May imaw waya gid aku tuhay pag manga karanidu, unman minsan sa inda pag tudir. Kailangan tabanun diman niku tunda pag manga karanidu, dumungug sida sa kang magbagaw usahun gid sida ka manada, usa lang ka manug-alaga.

Huwan 11:52

Ag balaw lang para sa nasyun Hudiyu. Mamatay diman si Hisus hampay tipunun niya ipaminsan ti manga anak Diyus nangalat-kalat sa buu kalibutan.

Binwat 19:19

Tinipun manga panhirian, manga may ingkantu, manga may dunungin kanda manga ribru tungkul sa kanda manga dunung bag-u kanda sinunug sa atubangan kayamuan manga tawu. Kanda binilang kay halaga ati pag manga ribru aput maaw sa limampulu ka libu ka pisus.

Ipisu 2:17

Nagsitay si Kiristu, itinudlu niya sa tanan tawu ti Mayad pag Barita tungkul sa kahusayan, sa kanyu manga balaw Hudiyu, ti arayu sa Diyus, hanggan sa manga Hudiyu, ti arani sa kanya.