Lukas 15:4 - Hanunuu

⁴ magkun, “Halimbawa ti usa sa kanyu may karanidu usa ka gatus bag-u naparaw kay usa ka bilug. Unman aw lugud tayakan niya ti siyampulu may siyam ka karanidu sa pasturan hampay hanapun niya tunda pag nadura hanggan sa ud makitan?

Lukas 15:4 Iomraidhean Croise

Kanta 119:176

Tinmalang aku parihu sa nadura karanidu, nakan hanapa aku, kanmu manugsirbi, dahil unman niku pagkalimtan kanmu manga sugu.

Isayas 53:6

Kita tanan ga manga karanidu tinmalang. Kada usa sa kanta nagbuwat kanta pagkaibgan buwatun. Dapat siya ti pinarusahan Panginuun parusa para mana sa kanta tanan.

Hirimyas 33:13

Yumamu maan kanda manada sa manga banwa sa kabantudan, sa manga bakulud sa isalpan, sa Nigib, sa daga ni Binhamin, sa manga rugar sangput sa Hirusalim ag sa manga banwa Huda. Aku, ti Panginuun ti magsabi inda.”

Hirimyas 50:6

“Ti manga nasakupan niku ga manga karanidu nagtalalang. Pinabay-anan sida manga manug-alaga nida ati sa kabantudan ag katagudtudan bag-u udyi nida alam ti dalan sa mag-uli.

Isikil 34:16

Hanapun niku tunda pag manga nagkaradura hanggan nagtaralalang. Bugkusan niku ti manga may biyag hanggan pabisugun niku ti manga malumuy. Dapat ipadamhak niku ti manga matabul hanggan mabaskug. Buwatun niku sa kanda nu unu ti matadlung.

Isikil 34:31

“Kamu kang manga karanidu sa kang paraharaban. Kamu kang nasakupan, ag aku kanyu Diyus. Aku, ti Panginuun Diyus, ti may sabi inda.”

Isikil 34:4

Unman niyu pagpabaskugun ti manga malumuy sa kanda. Unman niyu pagbulungun ti manga may sakit ngatay pagbugkusan ti manga may bari. Unman niyu paghanapun ti manga nagtalang ngatay ti manga nadura. Bagkus ngap, inunu-unu waya niyu sida.

Isikil 34:8

Aku, ti Panginuun Diyus buhi, magsumpa kuntay parusahan niku kamu dahil unman niyu binantayan kang manga karanidu, nakan sinlud sida ag pinantukub maisug manga hayup. Unman niyu sida hinanap nu unman kanyu lang sadili ti kanyu pag-alagaan.

Matiyu 12:11

Nagsagut si Hisus magkun, “Una si unu sa kanyu ti may karanidu usa ka bilug bag-u nu nalagpak tunda atag sa bubun nu sa Sirang Pamahari unman aw lugud kay bawiun?

Lukas 13:15

Dapat sinabi ngap Panginuun sa kanya magkun, “Kamu katna manga magpabalhinguun lang. Nu Sirang Pamahari unman aw ti kada usa sa kanyu maglubad kanyu manga higut baka una nangus asnu ginan sa kurumpayan hampay kanyu pagguyudun ipagpaslup sa danum?

Lukas 15:3

Nakan nagbagaw si Hisus pinaanyuan sida sa pahalimbawa,

Lukas 19:10

Dahil aku, ti Anak Tawu, nagsitay hampay hanapun ag iribri ti nadura.”

Ruma 2:1

Nakan ngani una si unu kawu ti parapihu sa kasalanan manga iba, udyi ngap kawu may idahilan. Dahil sa kanmu magpihu sa manga iba, pagpihuun diman waydi nimu kanmu sadili kasalanan. Kawu magpihu sa kasalanan manga iba, dapat kumun diman waydi kanmu pagbuwatun.

1 Pidru 2:25

Kaybi kamu nanwayak-wayak yi parihu ga manga karanidu tinmalang, dapat taynguna tinipun maan kamu Manug-alaga, imaw ti manuggiya niyu manga karadwa.