Lukas 15:2 - Hanunuu

² Ti manga Parisiyu hanggan manga manugtudlu Kasuguan nanrayansan magkun, “Inda pag tawu maaw matinanggapun sa manga makasalanan ag magsaru sa kanda.”

Lukas 15:2 Iomraidhean Croise

Matiyu 11:19

Pagka nagsitay aku, ti Anak Tawu, magkaun mag-inum diman bag-u pagkumnun nida, ‘Malu tunda pag tawu daluk-daluk maglangu, mag-ampud siya sa manga manunukut buhis, hanggan sa iba waya ka manga makasalanan.’ Ti pagbuwatun kadunungan Diyus imaw ti puruyba sa katutuuhanan.”

Matiyu 9:11

Pagka nakitan manga Parisiyu kanda magsararuhan, pinaingana nida kay manga tuludluan ni Hisus magkun, “Hayga magsaru kanyu maisturu sa manga manunukut buhis hanggan sa manga makasalanan?”

Lukas 15:3

Nakan nagbagaw si Hisus pinaanyuan sida sa pahalimbawa,

Lukas 19:7

Pagka nakitan manga tawu si Hisus sinmaka sa kan Sakiyu balay, naglibak sida magkun, “Siya maaw manhapit sa balay makasalanan.”

Lukas 5:30

Ti manga Parisiyu hanggan manga manugtudlu Kasuguan nagsungyaw sa kay manga tuludluan ni Hisus magkun, “Hayga duy kamu magkaun mag-inum minsan sa manga manunukut buhis hanggan sa manga makasalanan?”

Lukas 7:34

Aku diman, ti Anak Tawu, nagsitay magkaun di mag-inum, dapat kanyu pagbangdanan mahugud sa karan-an palalangu, mag-ampud siya sa manga manunukut buhis, sa manga makasalanan.

Lukas 7:39

Siyun diman ti Parisiyu ti nagbuul sa kan Hisus. Pagka nakitan niya ti binwat babayi, inisip niya, “Nu tutuu purupita inda pag tawu, alam gid mana niya nu si unu ag nu hintay pag kalasi babayi siya tigpayid sa kay lulud, dahil makasalanan pag babayi siya.”

Binwat 11:3

“Nagdayun maaw kawu sa balay manga balaw Hudiyu, nagsaru paman kawu sa kanda.”

Galasya 2:12

Dahil pagka udwaya rinmas-ug ti manga tawu kay ipinadara ni Santiyagu, nagsaru di si Pidru sa manga patar-ari balaw Hudiyu. Dapat pagka rinmas-ug yi ngani kay manga ipinadara ni Santiyagu, nagpakarayu yi siya nagpatuhay sa lamak dahil nadala siya sa manga magtudlu sa pagturi.

1 Timutiyu 1:15

Tutuu ti pagsabihun ag kailangan paniwalaan tanan tawu magkun, “Nakan nagsitay si Kiristu Hisus sa kalibutan hampay iribri ti manga makasalanan.” Ag aku ngap ti takinan manga makasalanan.