Lukas 15:18 - Hanunuu

¹⁸ Tumindug yi aku tag yi sa kang ama. Nu ati yi sumabi aku sa kanya, “Amang, aku nagkasala laban sa Diyus hanggan sa kanmu.

Lukas 15:18 Iomraidhean Croise

2 Krunika 33:19

Kay darangin hanggan ti sagut Panginuun sa kanya, hanggan ti tanan niya kasalanan ag paglabag sa Panginuun, nakasurat sa ribru manga Purupita. Nakalista diman sitay ti manga rugar pinatindugan niya manga simbahan, manga tulduk tanda diyusa si Asira, ag iba waya pag manga diyus-diyusan, bag-u waya siya nagpakumbaba sa Diyus.

Kanta 25:11

Panginuun, una mayamu kang manga kasalanan, patawada aku, hampay madayaw kawu.

Kabagawan 23:13

Danga kawu magpabaya sa pagtamyaw sa kanmu anak. Ti pagbakul balaw niya ikamatay nu unman ikaribri di ngap niya sa kamatayan.

Isayas 63:16

Dahil kawu kanmi Ama, una unman kami kilalahun ni Abraham ag ni Hakub kanda linahi. Tutuu, Panginuun, kawu ti kanmi Ama, kanmi Manugribri kaybi ginan.

Hirimyas 3:19

Aku gid ngapu ti magsabi, ‘Magbaya gid aku kuntay baliwun kamu manga anak niku ag pakan-an marinu pag daga kuntay pinakamarinu pag pamana sa buu kalibutan.’ Ag ti hantup niku ingarnan niyu aku ‘Amang’ ag balaw yi kamu pablag sa kangku.

Hirimyas 31:20

Nagsagut ti Panginuun, “Kamu pag nasakupan Ipraim kang pagmahalun pag anak. Una pirmi aku magbagaw laban sa kanyu, pagbayaun di niku kamu. Maggagad di aku ag magkaawa sa kanyu.

Karukuan 3:29

Pagpakumbaba kita sa kanta sadili sa atubangan Panginuun ag danga maduraan pag-asa.

Karukuan 3:40

Dapat usisaun nita kanta pangabuhi ag bumalik sa Panginuun.

Danyil 4:26

Tungkul waydi sa sinabi anghil pabay-anan lang kay tuud hanggan kay gamut, kay ibug sabihun tunda ibalik sa kanmu ti kaharian nimu nu kilalan-un nimu ti Diyus siya gid ti maghari sa tanan.

Hunas 2:4

Pinalayas nimu aku sa kanmu atubangan, dapat magsarig aku makapakarani di maan sa kanmu, ati sa kanmu banal pag Balay.

Hunas 3:9

Barang bumag-u waya ti naisipan Diyus ag maparaw kay masyadu pag pangagalit sa kanta ag balaw yi niya kita rurisun.”

Matiyu 3:6

Pagka inaku nida kanda manga kasalanan, kay itinulbaw sida sa sapa Hurdan.

Matiyu 6:14

“Dahil nu kanyu pagpatawadun ti manga tawu nagkasala sa kanyu, patawadun diman waydi kamu niyu Ama sa langit.

Matiyu 6:9

Kainda kamu nu magdarangin magkun, ‘Kanmi Ama sa langit, mana dayawun manga tawu kanmu ngaran.

Matiyu 7:11

Madi kamu manga makasalanan, madunung diman kamu magpakaun mayad pag pakaun sa kanyu manga anak, lalu waya kanyu Ama sa langit madunung gid. Ipakaun gid niya ti manga marinu pag pakaun sa manga maghagad sa kanya.

Lukas 11:2

Magkun siya sa kanda, “Kainda kamu nu magdarangin magkun, ‘Amang, mana dayawun manga tawu kanmu ngaran, mana kawu ti maghari sitay sa babaw daga.

Lukas 15:17

“Dapat pagka siya nakaimatuun sa kay kahamtangan, kay inisip sa kay sadili, ‘Malu, mayamu pag suruguun suluhulan niku ama ati may kang-ud, subra waya kanda karan-unun, aku bay ga masbuk yi sitay sa lun-us.

Lukas 15:19

Kumumun aku, danga yi duy aku pagsabiha anak nimu, nu unman ipaparihu yi lang nimu aku sa kanmu iba manga suruguun.” ’

Lukas 15:21

Magkun ti anak sa kay ama, ‘Amang, aku duy nagkasala laban sa Diyus hanggan sa kanmu atubangan. Danga yi duy aku pagsabiha anak nimu.’

Lukas 18:13

“Dapat ti manunukut buhis matindugan sa arayu. Unman siya nagpanghas nagtangda sa langit, tinaptap niya kay dubdub sa kay karukuan, magkun siya, ‘Kaawai duy aku, Diyus, dahil aku usa ka makasalanan.’ ”