Lukas 15:13 - Hanunuu

¹³ “Balaw yi dinmugay, tunda pag anak kap-usan nagpabili kay daga bag-u tinabu dinara kay kayamanan, rargu yi naglakaw tag sa arayu pag daga. Pagka ati ginastus lang niya kay kuwarta sa unman may kabuluhan.

Lukas 15:13 Iomraidhean Croise

Kanta 73:27

Pihu gid magkaradura ti manga tawu magpakarayu sa kanmu; ipadamhak nimu sida pag manga balaw magtupad sa kanmu.

Kabagawan 18:9

Ti bugyahin pag tawu parihu sa tawu marapuya.

Kabagawan 21:17

Ti mahilig sa sadili pag kagustuhan, magkaibug lang sa intus ag handaan, unman gid yumaman nu unman bumaliw ngap pugri.

Kabagawan 21:20

Ti madunung pag tawu mag-alistu gid para sa kay aratubangun, dapat ti kurang sa intindi pag tawu pag-uyangun lang kay kuwarta sa unman may kabuluhan.

Kabagawan 27:8

Ti tawu naglayas sa kay balay parihu sa manuk naglayas sa kay pugad.

Kabagawan 28:7

Ti madunung pag anak magsunud sa Kasuguan, dapat ti anak mag-upud sa manga balaw mayad kay ugali magpakay-a sa kay gurang.

Kabagawan 29:3

Ti tawu magkaibug sa kadunungan magpakaun kabayaan sa kay ama. Ti tawu marakuyug sa manga babayi baraydan mag-uyang lang siya kay kuwarta.

Kabagawan 6:26

Ti mag-ulid sa babayi baraydan mahimu bayadan sa halaga tinapay, dapat ti mag-ulid sa asawa iba bayadan nimu buhi.

Isayas 1:4

Sida nasyun makasalanan, manga tawu punu kadautan, linahi manga manugbuwat daut ag magpandaut. Dinayu nida ag pinuyaan ti Panginuun, ti Banal pag Diyus Israil, ag pinatlikudan nida siya.

Isayas 22:13

Bagkus ngap nanhandaan kamu ag nagbarayaan. Nangiyaw kamu manga baka ag karanidu, bag-u nangaran-an ag nanginuman. Magkun kamu, “Pagmasulung kita, mangaun ag manginum, dahil aldaw barang mamatay yi kita.”

Isayas 30:11

Pag-ighit kamu sa kanmi lakawan, danga niyu kami pagharangi. Danga yi niyu sabihun sa kanmi ti tungkul sa Banal pag Diyus Israil.’ ”

Isayas 56:12

Magkun waya sida, “Abala kamu, mam-ul kita irinmun ag manlanguhan! Higit waya aldaw kaysa taynguna.”

Hirimyas 2:13

“Nagbuwat ti manga nasakupan niku duwa ka kasalanan: Dinayu nida aku, ti bulbugan magpakaun buhi, ag nagsamba sida sa tuhay pag manga diyus, bilang ga magkali sida bubun magkak-at.

Hirimyas 2:31

“Kamu pag manga nasakupan sa inda pag sinulput, patingihi niyu ti pagsabihun niku. Aku aw ga usa ka pangawakawaan para sa kanyu manga taga Israil, aw ngatay ga usa ka rugar masyadu madulum? Hayga pagsabihun niyu kuntay, ‘Bahala yi kami sa gustu nimi buwatun. Dayi kami pakarani sa Diyus.’

Hirimyas 2:5

Inda kay pagsabihun: “Hintay pag kasalanan ti nakitan niyu manga ginurang sa kangku nakan aku kanda binugyahan? Sinunud nida ti manga diyus-diyusan unman may pulus, nakan sida hanggan nagbaliw diman unman may pulus.

Mikas 6:3

Magkun ti Panginuun, “Manga nasakupan niku, hintay ti nabwat niku pag kadautan sa kanyu? Pinakurianan aw lugud niku kamu? Saguta niyu aku.

Lukas 15:12

Magkun ti kap-usan sa kay ama, ‘Amang, pakan-i duy yi nimu aku kainda yi ti para sa kangku pag bahagi nimu kayamanan.’ Binahagi yi ngani nida ama sa kanda kay kasiyunan.

Lukas 15:14

Pagka tinabu ginastus yi niya tanan-tanan, malun-us paman masyadu ati pag daga bag-u nagipit siya masyadu.

Lukas 15:30

Dapat taynguna nuli yi kam anak, imaw yi ti nag-unyang kanmu manga kasiyunan, ginastus sa manga panguragin unman may kabuluhan, hayga waya gid kanmu iniyawan pinatabul pag ibun baka?’

Lukas 16:1

Sinabi maan ni Hisus sa kay manga tuludluan, “May usa ka tawu mayaman, inintirga niya kay kayamanan sa usa ka katiwala. Pagka dugay nagras-ug sa kay amu ti sumbung maparasipalahun kunu pag katiwala.

Lukas 16:19

Sinabi ni Hisus magkun, “May usa ngani ka tawu mayaman, kay rutay parihu sa rutay manga hari kay pagkarinu, masyadu gid marinu. Subra gid sa kanya kay karan-unun sirang-sirang.

Ipisu 2:13

Madi kamu kaybi arayu sa Diyus, dapat taynguna ipinakarani yi kamu sa panab-anan dugu ni Kiristu dahil sa kanyu magpakiusa sa kan Kiristu Hisus.

Ipisu 2:17

Nagsitay si Kiristu, itinudlu niya sa tanan tawu ti Mayad pag Barita tungkul sa kahusayan, sa kanyu manga balaw Hudiyu, ti arayu sa Diyus, hanggan sa manga Hudiyu, ti arani sa kanya.

2 Pidru 2:13

Tunda yi ngani kay bayad sa kanda mag-api sa manga iba. Sigi lang kanda magbuwat kadautan una sirang hampay masunud lang kanda kagustuhan bilug. Daka gid pag kakay-ahan, subra gid kanda magpuya nu makitan sida sa kanyu karaw-an magsaru sa kanyu karan-an. Magbaya sida nu madaya lang nida kamu.